Околу 7.000 луѓе пријавиле несакани ефекти во CDC откако биле вакцинирани против Ковид-19. Најчести несакани ефекти биле главоболка, замор и вртоглавица. Несакани ефекти во многу поголема мера искусиле жените отколку мажите
Студијата спроведена од Американскиот центар за контрола и превенција на болести (CDC) покажала дека повеќе жени имале несакани ефекти по вакцинацијата против Ковид-19 отколку мажи. Со оваа студија биле опфатени повеќе од 13 милиони испитаници, а од 7.000 кои пријавиле несакани ефекти, 80% биле жени.
Околу 7.000 луѓе пријавиле несакани ефекти во CDC откако биле вакцинирани против Ковид-19. Најчести несакани ефекти биле главоболка, замор и вртоглавица. Несакани ефекти во многу поголема мера искусиле жените отколку мажите.
Нешто повеќе од 13 милиони Американци биле вакцинирани против коронавирус за еден месец. Меѓу нив имало околу осум милиони жени, или 62%.
Сабра Клајн, микробиолог и имунолог, истакнува дека овие податоци не се причина за загриженост затоа што всушност сугерираат дека се гради имунолошки одговор благодарение на што поединците ќе бидат заштитени од болеста
Шели Кендефи, медицинска техничарка, рекла дека се чувствува добро откако примила вакцина, но почнала да се поти попладне. Шест од седум нејзини колешки кои се вакцинирале пријавиле симптоми како што се замор, болки во телото и треска. Седмата колешка изјавила дека повраќала ноќта по вакцинацијата, пренесува „Business Insider“.
Од осум машки колеги кои биле вакцинирани, едниот чувствувал болка на местото на инјектирање, другиот имал главоболка, а двајца мажи пријавиле замор. Останатите четири мажи не пријавиле никакви несакани ефекти.
Сабра Клајн, микробиолог и имунолог, вели дека овие откритија се во согласност со податоците поврзани со другите вакцини. Студија од 2013 година покажала дека жените имаат поголем ризик од реакции на вакцината против грип која се примала во 2009 година, за разлика од мажите.
Клајн истакнува дека овие податоци не се причина за загриженост затоа што всушност сугерираат дека се гради имунолошки одговор благодарение на што поединците ќе бидат заштитени од болеста.
