Децата во Велика Британија ќе добијат вакцина против Ковид-19 само доколку се над 12 години и се исклучително ранливи или живеат со некој кој е изложен на ризик, бидејќи научниците изразија загриженост за воспалението околу срцето поврзано со вакцината „Фајзер“.
Саџид Џавид, секретар за здравство, рече дека ги прифатил советите на научните советници дека треба да им се дозволи на децата над 12 години со тешка невропопреченост, Даунов синдром, имуносупресија и повеќе или тешки нарушувања во учењето да ја примаат вакцината „Фајзер“. Децата над 12 години кои живеат во иста куќа како и луѓето кои се имуносупресирани исто така ќе имаат право на вакцина.
Мислењето на Joint Committee on Vaccination and Immunisation (JCVI) ја проширува подобноста на децата за вакцинирање, по претходната одлука дека ранливите 16 и 17-годишници можат да се вакцинираат.
Некои министри сигнализираа дека сите над 12 години можат да започнат програма за вакцинирање од септември, придонесувајќи за имунитет ширум популацијата против Ковид-19.
Но, советодавното тело рече: „Здравствените придобивки кај оваа популација се мали, а придобивките за пошироката популација се многу несигурни. Во ова време, JCVI е на ставот дека здравствените придобивки од универзалната вакцинација кај деца и млади луѓе на возраст под 18 години не ги надминуваат потенцијалните ризици“.
Според Joint Committee on Vaccination and Immunisation (JCVI) вакцинирање против Ковид-19 ќе им биде дозволено само на децата над 12 години кои имаат тешка невропопреченост, Даунов синдром, имуносупресија и повеќе или тешки нарушувања во учењето. Децата над 12 години кои живеат во иста куќа како и луѓето кои се имуносупресирани исто така ќе имаат право на вакцината „Фајзер“
Вакцината „Фајзер“ е овластена за лица на возраст од 12 години и повеќе во Велика Британија од Агенцијата за регулирање на лекови и здравствени производи.
Сепак, JCVI ги истакнува „новите извештаи од Велика Британија и други земји за ретки, но сериозни несакани дејства, вклучувајќи миокардитис (воспаление на срцевиот мускул) и перикардитис (воспаление на мембраната околу срцето), по употребата на Pfizer/BioNTech BNT162b2 и Moderna mRNA1273 вакцини кај помлади возрасни лица“. Научниците исто така рекоа дека ризикот од долг Ковид е „многу мал кај децата“.
Габриел Скали, визитинг професор по јавно здравје на Универзитетот во Бристол и член на Независен SAGE, рече дека одлуката на JCVI не е „логична“, истакнувајќи дека вакцината е овластена како безбедна и ефикасна за над 12 години од страна на MHRA и се користи во оваа возрасна група во голем број земји. „Да, има некои несакани ефекти, но тие се лекуваат“, истакна тој
Џавид изјави дека побарал од NHS да се подготви за вакцинирање на оние што ги исполнуваат условите што е можно поскоро и дека сака JCVI да ја задржи вакцинацијата за деца под преглед.
Одлуката ги подели научниците, од кои многумина очекуваа дека вакцината „Фајзер“ ќе добие зелено светло за деца над 12 години.
Д-р Стивен Грифин, вирусолог од Универзитетот во Лидс, рече: „Не е јасно што JCVI знае, а MHRA не знае“, истакнувајќи дека многу земји започнаа да вакцинираат деца на возраст од 12 и повеќе години.
„Се чини дека има врска со вакцините и миокардитисот, но тоа е многу лесна и многу ретка, додека со Ковид, постои ризик од долг Ковид“, рече тој.
Габриел Скали, визитинг професор по јавно здравје на Универзитетот во Бристол и член на Независен SAGE, рече дека одлуката на JCVI не е „логична“, истакнувајќи дека вакцината е овластена како безбедна и ефикасна за над 12 години од страна на MHRA и се користи во оваа возрасна група во голем број земји.
„Да, има некои несакани ефекти, но тие се лекуваат“, истакна тој, потенцирајќи дека нема докази дека вакцината предизвикала смртни случаи кај оваа возрасна група, додека Ковид има во ретки случаи.
Но, проф. Адам Фин, професор по педијатрија на Универзитетот во Бристол и член на JCVI, рече дека има доста „непобитни докази“ дека срцевото воспаление е вистински безбедносен сигнал, иако бројот на сериозни случаи бил „многу, многу мал“.
Генерално, случаи на ова воспаление на срцето се околу еден во 100.000, рече Џереми Браун, професор по респираторна инфекција на UCL и член на JCVI, предупредувајќи дека во моментот нема многу податоци. Сепак, рече тој, инциденцата на овие видови на несакани ефекти е позастапена кај момчињата отколку кај девојчињата, и кај постарите адолесценти отколку кај помладите.
Училишните лидери предупредуваа на повеќе нарушувања во образованието следната есен. Џеф Бартон, генерален секретар на Здружението на лидери на училишта и колеџи, ја признава потребата од претпазливост, но рече дека тоа „ни остава потенцијал за многу голем број на инфекции кај децата во есенскиот термин, особено со оглед на релаксацијата на пошироките ограничувања во општеството“.
„Ова може да значи уште поголемо нарушување на образованието, како и предизвикување пошироки проблеми во јавното здравство. Затоа е императив владата да се фокусира на поддршка на училиштата и колеџите со мерки за заштита од Ковид-19“. (Гардијан)
