Омикрон носи малку поинакви симптоми од претходните соеви на коронавирус и токму поради тоа е лесно да се измеша со настинка или сезонски грип. Всушност, инфекцијата со сојот омикрон често се опишува и како „појака настинка“, но има симптоми кои не се поклопуваат.
„Единствената карактеристика на Ковид-19 е губењето на сетилото за мирис и вкус, кое нема да го сретнете кај настинката“, вели д-р Хаи Шао. „Друга разлика е што обичната настинка не предизвикува висока температура, а понекогаш и многу силни главоболки, а кај омикрон превладуваат токму овие симптоми. Ако ги имате овие симптоми, многу е поголема веројатноста дека сте заразени со коронавирус отколку дека имате настинка“
Д-р Хаи Шао, инфектолог во медицинскиот центар Шарп Чула Виста во Сан Диего, истакнува дека омикрон ги дели клучните симптоми со другите соеви.
„И тие вклучуваат треска, главоболка, болки во грлото, а како што болеста напредува, кај луѓето се јавува кашлање, краток здив и отежнато дишење“, вели д-р Шао.
Од друга страна, гребење во грлото, кивање, затнат нос или течење на носот – ова се доминантни симптоми и кај омикрон и кај настинка. Затоа треба да обрнете внимание на другите сигнали. Врз основа на нивното искуство, експертите идентификуваа три симптоми кои се јавуваат кај омикрон, но не и кај настинката.
„Единствената карактеристика на Ковид-19 е губењето на сетилото за мирис и вкус, кое нема да го сретнете кај настинката“, рече д-р Хаи Шао за „CBS 8“. „Друга разлика е што обичната настинка не предизвикува висока температура, а понекогаш и многу силни главоболки, а кај омикрон превладуваат токму овие симптоми. Ако ги имате овие симптоми, многу е поголема веројатноста дека сте заразени со коронавирус отколку настинка“.
Нема начин родителот да ја направи разликата помеѓу обичен респираторен вирус и инфекција со Ковид. Затоа, секогаш кога детето ќе се разболи, треба да се чува дома за да не се изложи на ризик да го рашири она што го има, особено ако има Ковид
Д-р Шао предупредува дека луѓето треба да внимаваат на какви било симптоми што ќе се појават во овој период. „Користете малку здрав разум. Практикувајте мерки за контрола на инфекцијата. Обидете се да избегнувате да одите во гужви без маска. Обидете се да не бидете блиску до луѓе без маска додека не ви се повлечат симптомите“, советува тој.
Со сезоната на настинки и грип која е во полн ек, некои лекари предупредуваат дека родителите можеби нема да можат да ги разликуваат симптомите на настинка и грип кај нивното дете од Ковид.
„Грипот зема замав. И другите респираторни вируси се зголемуваат“, рече д-р Марк Соер, специјалист за педијатриски инфективни болести во Детската болница „Рејди“. „И нема начин родителот да ја направи разликата помеѓу обичен респираторен вирус и инфекција со Ковид. Затоа, секогаш кога детето ќе се разболи, треба да се чува дома за да не се изложи на ризик да го рашири она што го има, особено ако има Ковид“, вели д-р Соер.
