Вонматеричната бременост е позната и како ектопична, а доколку навреме не се препознае може да биде опасна по животот на жената. Истражувањата покажуваат дека не е честа, бидејќи се јавува само во 1,4 отсто од сите бремености. Како што предупредуваат гинеколозите, симптомите на ектопична бременост често остануваат незабележани бидејќи не е секогаш лесно да се препознаат.
Сепак, постојат некои предупредувачки знаци кои ниту една трудница не смее да ги игнорира, информираат лекарите од клиниката Мајо. Некои од најраните симптоми кои може да укажуваат на вонматерична бременост и бараат посета на лекар вклучуваат:
- Изостанок на менструација
- Силни болки во стомакот, кои обично се на едната страна
- Неменструално вагинално крварење
- Болки во рамената и вратот
- Некои симптоми на бременост како гадење или замор.
Со оглед на тоа дека вонматеричната бременост може да доведе до опасни состојби како пукнување на јацеводите или инфекции, потребно е навремена реакција доколку се појават споменатите симптоми, нагласуваат лекарите.
