Многу родители знаат дека „присилувањето“ на децата да консумираат одредена храна е вистинска борба. Трошите време и труд подготвувајќи нутритивно богат оброк за целото семејство, а децата на крајот не сакаат ни да го пробаат тој оброк, туку попрво одбираат да јадат нешто брзо и нездраво.
Како и кај возрасните, важно е децата да јадат здрава храна која позитивно влијае на нивното целокупно здравје, а со тоа и на нивниот развој. Особено децата мора редовно да консумираат овошје и зеленчук, тврди педијатарот д-р Ендрју Елистон за „Парада“. „Колку е храната поразновидна во категории и бои, толку подобро, бидејќи различните видови овошје и зеленчук содржат различни витамини и микронутриенти кои често се поврзуваат со бојата на намирниците“, објаснува тој.
Децата треба да јадат овошје или зеленчук во секој оброк
Со него се согласи и педијатарот д-р Наташа Агбаи, која ги советува родителите да додаваат овошје или зеленчук во оброците на своите деца секојдневно, нагласувајќи: „Овие намирници се богати со хранливи материи и влакна и нудат различни есенцијални витамини и минерали кои го поддржуваат растот и развојот на детето. Конзистентното вклучување на овошјето и зеленчукот не само што помага во исполнувањето на дневните прехранбени потреби, туку и ги зајакнува здравите навики во исхраната уште од најрана возраст“.
Родителите треба да им бидат пример на децата кога е во прашање исхраната. Децата се со поголема веројатност да пробаат нова храна ако видат дека нивните родители уживаат во неа. На пример, „крадењето“ малку брокула од чинијата на вашето дете затоа што е „толку добра“ може да им покаже на децата колку уживате во здравата исхрана
Како д-р Елистон, и д-р Агбаи тврди дека е важно родителите постојано да им служат различни намирници на децата за време на оброците и да се трудат да им ги сервираат во различни форми: од сирово, готвено на пареа, печено или подготвено во смути. Сето ова е важно за да им се овозможи на децата да откријат нови вкусови и текстури.
Исто така, педијатарот смета дека не е неопходно на децата да им се служат посебни оброци во однос на остатокот од семејството. „Подготвувањето одделни, „детски“ оброци може да испрати порака дека преференциите на децата секогаш треба да имаат предност или дека тие „мора“ да јадат различна храна. Наместо тоа, обидете се да ги организирате семејните оброци така што сите да делат ист нутриционистички балансиран оброк. Секогаш вклучете нешто што знаете дека ќе му се допадне на детето, но не двоумете се да додадете нешто што би можело да биде предизвик за неговите преференции за вкус“, советува д-р Агбаи.
Разновидната храна богата со хранливи материи е од суштинско значење за поддршка на растот на децата. Педијатрите тврдат дека постојат три видови на храна кои се најздрави и кои треба да се најдат на детското мени во некоја форма секој ден.
Целозрнести житарици
Децата често не внесуваат доволно влакна, а внесувањето повеќе целозрнести житарици во нивната исхрана може да помогне да се задоволи оваа потреба.
„Влакната се вообичаена хранлива материја која им недостига на децата. Дури девет од десет деца не ја консумираат препорачаната дневна доза на влакна според Институтот за медицина“, вели д-р Агбаи и додава: „Недостатокот на влакна може да предизвика проблеми како запек. Американската академија за педијатрија препорачува децата да консумираат најмалку пет грама влакна повеќе од нивната возраст. На пример, седумгодишно дете треба да консумира околу 12 грама влакна на ден“.
Д-р Елистон го наведува зелениот лиснат зеленчук како една од најбогатите намирници кои децата можат да ја јадат. Покрај тоа што е богат со влакна, зелениот лиснат зеленчук содржи и голем број хранливи материи кои го поддржуваат растот, вклучувајќи фолна киселина и железо
Примери за намирници кои се одлични целозрнести житарици се овес, киноа, булгур, кафеав ориз, просо и леќа. Едноставно заменување на обичните тестенини, тортиљи или бел леб со верзии од целозрнести житарици може да помогне. Подготвувањето овесна каша или тост од интегрален леб за појадок е уште еден начин да ги внесете овие намирници во вашата исхрана.
Зелен лиснат зеленчук
Д-р Елистон го наведува зелениот лиснат зеленчук како една од најбогатите намирници кои децата можат да ја јадат. Покрај тоа што е богат со влакна, зелениот лиснат зеленчук содржи и голем број хранливи материи кои го поддржуваат растот, вклучувајќи фолна киселина и железо.
Уште една важна намирница за растот на децата се јајцата. Тие се богат извор на протеини, холин (важен за развојот на мозокот и здравјето на коските), фолна киселина (важна за мозокот и имунолошкиот систем), фосфор (го поддржува здравјето на коските) и лутеин (клучен за видот). Јајцата содржат и витамини А, Д, Е и витамини од Б-групата
Со оглед на тоа дека многу деца не сакаат да јадат зелен лиснат зеленчук, родителите можат да го „скријат“ со додавање на тестенини и слично, но педијатарот смета дека е многу тешко некои деца воопшто да се поттикнат да јадат зеленчук. Во овој случај, тој советува да им се понуди повеќе овошје наместо зеленчук.
„Доколку детето јаде разни видови овошје, добива многу потребни хранливи материи. Грижата за здравјето на детето кое не јаде речиси никаков зеленчук, но јаде различни видови овошје, е многу полесна бидејќи знам дека внесува доволно важни хранливи материи“, објасни тој за „Парада“. Сепак, докторот нагласува дека овошјето не е исто што и овошниот сок и ги советува родителите дека давањето овошен сок на децата не е исто што и јадењето овошје.
Јајца
Уште една важна намирница за растот на децата на листата на д-р Елистон се јајцата. Тие се богат извор на протеини, холин (важен за развојот на мозокот и здравјето на коските), фолна киселина (важна за мозокот и имунолошкиот систем), фосфор (го поддржува здравјето на коските) и лутеин (клучен за видот). Јајцата содржат и витамини А, Д, Е и витамини од Б-групата.
Педијатрите истакнуваат дека се свесни дека е многу тешко да се поттикнат некои деца да јадат одредена храна, но ги советуваат родителите да не се откажуваат премногу лесно.
„Истражувањата покажуваат дека дури и возрасните треба да пробаат нова храна дваесет пати пред навистина да им се допадне, а тешко е да ги натерате децата да пробаат дури и еднаш или двапати. Им препорачувам на родителите само да продолжат да нудат разновидна храна и да моделираат здрави прехранбени навики за своите деца“, вели д-р Елистон.
Педијатарот д-р Агбаи смета дека родителите треба да им бидат пример на децата кога е во прашање исхраната. „Децата се со поголема веројатност да пробаат нова храна ако видат дека нивните родители уживаат во неа. На пример, „крадењето“ малку брокула од чинијата на вашето дете затоа што е „толку добра“ може да им покаже на децата колку уживате во здравата исхрана“, објаснува докторката.
