Две недели по примање на втората доза на вакцината против Ковид-19, заштитната бариера на вакцината е во полна сила. Меѓутоа, поради одредени ризик-фактори, можно е некое лице сепак да се зарази со коронавирус (пробивна инфекција), но благодарение на вакцината, најверојатно нема да заврши во болница и да умре.
Според COVID Symptom Study, најчестите симптоми на инфекција со коронавирус се главоболка, течење на носот, кивање, болки во грлото и губење на чувството за мирис и вкус. Некои од овие симптоми – главоболка, болки во грлото и течење на носот – се исто така и симптоми што ги имаат невакцинираните луѓе, но покрај нив тие обично имаат и треска и кашлица.
Освен поблаги симптоми, вакцинираните лица имаат многу помал ризик да завршат во болница, ако сепак, и после две дози од вакцината се инфицираат со вирусот.
КОИ СЕ ЧЕТИРИТЕ ФАКТОРИ КОИ ГО ЗГОЛЕМУВААТ РИЗИКОТ ОД ПРОБИВНА ИНФЕКЦИЈА?
Тип на вакцина
Секоја вакцина е добра, повторуваат експертите, со тоа што некои едноставно имаат малку подобар процент на ефективност, односно поуспешно го блокираат развојот на болеста кај оние кои ја примиле таа вакцина.
Истражувањата покажаа дека вакцината Фајзер го намалува ризикот на лицето да развие симптоматска форма на Ковид-19 до 95 проценти. Вакцината АстраЗенека е малку подолу, околу 81 проценти, под услов интервалот помеѓу двете дози да е подолг.
Генерално, вакцините одлично го намалуваат ризикот да се заразиме од коронавирус, а во огромен процент го намалуваат ризикот од хоспитализација и смрт
Време од вакцинација
Давањето на трета засилувачка бустер доза станува се поактуелно, бидејќи се покажа дека времето што поминало од вакцинацијата влијае на нашата заштита од Ковид-19. Истражување кое допрва треба да биде потврдено вели дека ефектот на вакцината Фајзер бледнее по шест месеци од вакцинацијата. Се уште е рано да се каже колкава е всушност заштитата која ни ја обезбедуваат вакцините шест месеци откако сме ги примиле.
Секоја вакцина е добра, повторуваат експертите, со тоа што некои едноставно имаат малку подобар процент на ефективност, односно поуспешно го блокираат развојот на болеста кај оние кои ја примиле таа вакцина
Соеви
Колку вакцината ќе не штити, зависи и од тоа на кој сој на коронавирус сме изложени. Вакцините главно се базираат на податоци за оригиналниот алфа сој, и на пример, ефикасноста на Фајзер кај делта сојот се намалува од 95 на 88 проценти. Но, и тоа секако е подобро од нула, што е ситуацијата со невакцинираните. Значи, ако сте да речеме, целосно вакцинирани со Фајзер, шансите се околу 88 проценти дека нема да добиете делта.
Имунолошки систем
На сето погоре наведено на крајот се надоврзува нашиот имунитет. Сите ние сме различни и секое тело реагира различно на што било, па и на вируси.
Имунитетот опаѓа со возраста, а и хроничните болести можат да го намалат ефектот на вакцината што сте ја примиле. Постарите луѓе и оние со ослабен имунитет може да развијат послаба заштита од вирусот по вакцинацијата отколку целосно здравите луѓе, или пак може побрзо да ја изгубат таа заштита.
Генерално, вакцините одлично го намалуваат ризикот да се заразиме од коронавирус, а во огромен процент го намалуваат ризикот од хоспитализација и смрт, пишува „Scitechdaily“.
