Многу жени за време на бременоста имаат проблем со проширени вени. Додека тој проблем кај некои жени ќе се развие дури во бременоста, постојат и такви кои го имале претходно, но за време на бременоста дополнително се развил. Секако, го немаат сите трудници овој проблем.
Проширените вени се јавуваат како последица на зголемено ниво на крв во телото, а во комбинација со притисокот на матката на вените во долната половина на телото. Притисокот од матката всушност доведува до отекување на крвните садови на нозете и проширени вени. Овој проблем може да се јави и на друго место освен на нозете. Со зголемување на телесната тежина и големината на матката, се зголемува и притисокот на малите вени во вагината и околу ректумот.
Проширените вени околу ректумот се нарекуваат хемороиди. Хемороидите за време на бременоста не се ретка појава, поврзани се со болка, чешање и крварење. Може да бидат внатрешни и надворешни.
Иако нема гаранција, постојат работи кои може да се направат за да се намали ризикот од појава на проширени вени.
- Првата работа за која треба да размислите е да си набавите чорапи за вени, прилагодени за трудници. Медицинска помош во вид на чорапи е одлична за одржување на соодветна циркулација во нозете и помагаат во спречување на појавата на проширени вени. Истовремено ја намалуваат болка кај веќе проширените вени и спречуваат влошување на состојбата.
- Физичката активност не се препорачува при постоењето на оваа сотојба и што повеќе стоите на нозе, поголема е веројатноста да имате проблеми со нозете.
- Кога сте во можност дигнете ги нозете и мрдајте ги прстите на нив, за да ја забрзате циркулацијата.
- Никогаш не ги држете нозете прекрстени.
