Психолог од Харвард советува: Учењето на љубезност е најважно во воспитувањето на успешно дете

Истражувањето меѓу децата покажало дека родителите се три пати погорди ако нивното дете има добри оценки отколку ако е љубезно со своите врсници. Ова, како што објаснува психологот од Харвард, Рик Вајсбурд, е една од најголемите грешки

Родителите треба да бидат пример за своето дете, со однесување и зборови

За родителите е најважно нивните деца да се здрави, среќни и успешни, но исто така се трудат и да ги подготват за реалниот свет за што полесно да се справат со предизвиците што доаѓаат додека растат. Сепак, психологот од Харвард, Рик Вајсбурд открил дека многу родители занемаруваат една работа која е исклучително важна на овој пат, а тоа е љубезноста.

Со оглед на тоа дека работел на истражување кое се фокусирало на добрината на децата, податоците што ги добил, како што вели, навистина го изненадиле. Како што пишува „Вашингтон пост“, Вајсбурд открил дека дури 80 отсто од родителите повеќе се грижат за постигнувањата или среќата на своето дете отколку за тоа дали чувствуваат емпатија кон другите луѓе.

Освен тоа, истражувањето меѓу децата покажало дека родителите се три пати погорди ако нивното дете има добри оценки отколку ако е љубезно со своите врсници. Ова, како што објаснува, е една од најголемите грешки бидејќи учењето на љубезност е најважно во воспитувањето на успешно дете.

Со цел да им помогне на родителите да работат повеќе на развивање на емпатија, односно љубезност кај нивните деца, тој сподели неколку совети кои навистина би можеле да им помогнат во тоа. Тие се следниве:

  • родителите треба да бидат пример за своето дете, со однесување и зборови,
  • родителите треба да ја вербализираат љубезноста и да го научат детето да го прави истото,
  • родителите треба да му помогнат на детето да ги контролира негативните емоции,
  • родителите треба да го научат детето како да биде благодарно за она што го има.