Медицинската струка сепак советува на претпазливост бидејќи овие тестови на антитела често се користат за лицето да одлучи дали треба или не да се вакцинита, врз основа на добиениот резултат. Тестот може да открие дали имате антитела, но не може да спречи да се разболите и да имате сериозни последици. Тестовите што се достапни на општата популација во основа не нудат најточни резултати за тоа колку сте отпорни на повторна инфекција со коронавирусот, велат стручњаците. Американската агенција за лекови (ФДА) потсетува дека здравствениот систем и јавноста, резултатите од авторизираните тестови не треба да ги користат за да се процени нивото на имунитет или заштита од болеста КОВИД-19 било кога, а особено откако лицето ќе се вакцинира. И ФДА, но и центарот за контрола и превенција на болести на САД (ЦДЦ) наведуваат дека овие тестови не треба да се користат со цел да се направи проценка дали некој треба или не треба да се вакцинира.
ШТО СЕ АНТИТЕЛА?
Тестовите на антителата што се наоѓаат во крвта и може да помогнат во борба против вирусот што ја предизвикува болеста се индикатори кои покажуваат дали претходно сте биле вакцинирани или заразени.
Антителата се протеини произведени во оорганизмот од страна на имуниот систем, кусо откако сте биле заразени со вирусот или сте вакцинирани и тие ве штитат. Некои тестови само ќе ги препознаат антителата од инфекцијата, но не и од вакцината.
ШТО ЗНАЧИ ПОЗИТИВЕН ТЕСТ НА АНТИТЕЛА?
Позитивен резултат на тестот покажува дека се уште имате антитела од претходна инфекција или од вакцина, наведува ЦДЦ и додава дека тоа не значи дека имате одредена количина на имунитет или заштита од инфекцијата. Може да имате позитивен резултат дури и ако никогаш не сте имале симптоми на болеста или не сте вакцинирани – може да станува збор за асимптоматска инфекција. Секогаш разговарајте со лекар за тоа што резултатот на вашиот тест може да значи. Лекарот би можел да предложи да направи и втор тест за споредба. Доколку имате било какви прашања, не двоумете се да му ги поставите на стручно лице. ФДА предлага тестовите да ги набавуваат исклучиво здравствените служни кои се запознаени со користењето и ограничувањата на тестот. Тестовите се достапни во лаборатории, болници и аптеки, а оние за домашна употреба можат да ги купи секој. Но, некои лекари стравуваат дека поединци ги користат тестовите од погрешни причини.
“Лекарите бараат вакво тестирање за лица кои се загрижени за нивниот имунитет, но тоа за мене е проблем. За просечно лице, податокот колку антитела има по 8 месеци е сосема неважен податок“, истакнува д-р Ален Вилс, директор на лабораторијата на Универзитетот Питсбург.
Научниците и понатаму работат на тоа да добијат што подобар увид во значењето на позитивен и негатовен тест. За сега, нивото на заштита што го нуди позитивниот резултат не е до крај сфатен, предупредува Светската здравствена организација.
