Потребно:
- 500гр тестенини (по избор)
- 4 плода авокадо
- 4 чешниња лук
- 4 супени лажици сок од лимон
- Свеж босилок
- 125мл маслиново масло
- 2 шолји шери домати
- 1 шолја пченка од конзерва
- Сол
- Црн бибер
Подготовка: Во големо тенџере зовријте посолена вода, додадете ги тестенините и варете ги според инструкциите на пакувањето, и добро исцедете ги. За сосот од авокадо, во блендер додадете ги авокадата, босилекот, лукот и лимоновиот сок. Зачинете со сол и бибер по вкус.Додека блендерот работи, полека додавајте го маслиновото масло. Во сад за послужување комбинирајте ги тестенините со сосот од авокадо, и додадете ги шери доматите и пченката.
