РЕЦЕПТ НА ДЕНОТ: Чоколаден колач од 5 состојки готов за 10 минути

За подготовка на овој десерт ви треба малку време, неколку состојки, а вкусот му е совршен.

Потребно:

  • 200гр црно чоколадо
  • 100гр шеќер
  • 100гр путер + 25гр за калапот
  • 4 јајца
  • 50гр брашно
  • Малку сол

Подготовка: Загрејте ја рерната на 200 степени. Искршете го чоколадото на мали делови и растопете го на пареа над тенџере со жешка вода, но внимавајте на зделата во која го топите да не ја допира водата. Додадете малку сол за вкусот на чоколадото да биде поинтензивен. Додадете го и путерот. Изматете ги јајцата со шеќерот додека смесата не стане пенаста, бледа и не го удвои волуменот. Додадете го растопеното чоколадо и измешајте. Потоа во смесата додадете го брашното (просеано), прво една третина, па потоа полека додавајте го и остатокот. Во намастен со путер калап излијте ја смесата и печете 12-15 минути. По печењето оставете колачот да се олади во калапот, а потоа по желба послужете со сезонско овошје или крем.