Потребно:
- 800 гр пилешко филе
- 1 јајце
- 1/2 чаша млеко
- 150 гр брашно
- 1 лажичка кромид во прав
- 1 лажичка лук во прав
- 1 лажичка слатка пиперка
За сосот:
- 1/2 чаша мајонез
- 1/4 чаша сос за скара
- 2 супени лажици сенф
- 2 лажици мед
- Малку јаболков оцет
Подготовка: Во сад изматете го јајцето со млекото и зачинете со сол и бибер. Во друг сад измешајте го брашното со лук во прав, кромид во прав, слатката пиперка, а потоа додадете сол и бибер. Месото исечкајте го на помали парчиња, па потопете ги во јајцата и млекото. По неколку минути префрлете го во сад со брашно, затворете го и протресете го. Потоа извадете го месото и наредете го на плех обложен со хартија за печење и оставете го да отстои околу 10 минути. Во маслото што сте го загреале испржете го месото. Во сад измешајте мајонез, сос за скара, сенф, мед и оцет. Зачинете со сол и бибер, измешајте и послужете со месото. Добар апетит!
