РЕЦЕПТ НА ДЕНОТ: Едноставни солени мафини

Брз, лесен и вкусен рецепт за солени мафини, на чии вкус нема да оддолее никој во семејството.

Потребно:

  • 3 јајца
  • 200мл јогурт
  • 100гр маргарин
  • 200гр ронето сирење
  • 100гр бело брашно
  • 1 прашок за печиво
  • 100мл кисела вода

Подготовка: Изматете ги јајцата со сирење и јогурт. Потоа во смесата додадете го ренданиот маргарин, па брашното со прашокот за печиво. Се убаво измешајте, па додадете ја киселата вода и се заедно соединете. Смесата распоредете ја во подмачкани калапи за мафини. Се печат на 200 степени 20 минути, во претходно загреана рерна. Добар апетит!