Потребно:
За кората:
- 200 гр брашно
- 100 гр путер (исечен на коцки)
- 50 гр шеќер во прав
- Прстофат сол
За филот:
- 4 јајца
- 200 гр шеќер
- 3 лажици брашно
- Кора од лимон и сок од 2 лимони
Подготовка: Загрејте ја рерната на 180 °C. Во еден сад измешајте ги брашното, шеќерот во прав и солта. Додадете го путерот и со раце измешајте ги сите состојки додека не добиете ронлива смеса. Встиснете ја смесата рамномерно во дното на калапот за печење (приближно 20 x 20 см) и печете ја кората во загреана рерна 15-20 минути додека не порумени. Во меѓувреме, подгответе го филот така што во сад ќе ги измешате јајцата, шеќерот, брашното, кората и сокот од лимоните. Кога ќе се испече кората, извадете ја од рерна и веднаш прелијте ја со филот. Калапот вратете го во рерна и печете уште 20-25 минути, додека филот не стане цврст. Извадете го колачот од рерната и оставете целосно да се излади пред да го исечете. Добар апетит!
