РЕЦЕПТ НА ДЕНОТ: Мафини со тиква и јаболки

Мафините се популарно печиво кое можете да го направите солено или слатко. Се зависи од вашиот вкус, а тие се одличен предлог за појадок, вечера, слатки во текот на денот... Ви предлагаме да пробате и мафини направени од омилената есенска храна, а тоа е тиквата. Кога ќе додадете јаболка и ароматични зачини, ќе ги направите највкусните мафини досега.

Потребно:

  • 4 парчиња тиква
  • 2 јаболка
  • 400 гр брашно
  • 1 лажичка цимет
  • 1/2 лажичка морско оревче
  • 8 лажици шеќер
  • 1/2 кесичка сода бикарбона
  • 1 ванилин шеќер
  • 1 мала шолја масло
  • 200 мл вода
  • 2 лажици кокосово брашно
  • 1 лажица мелени ореви

Подготовка: Излупете ги тиквата и јаболкото, па изрендајте ги. Измешајте во  сад, па додадете ги шеќерот и ванилиниот шеќер, па сечканите ореви и кокосовото брашно. Измешајте ги сите состојки за мафините, па додадете го и обичното брашно. Додадете ги водата, маслото, циметот, морското оревче и сода бикарбоната. Измешајте сè, а ако смесата е премногу течна, додадете уште малку брашно. Калапот за мафини премачкајте го со масло, истурете ја смесата и печете во загреана рерна на 250°C околу 30 минути. Готовите мафини покријте ги со крпа и оставете ги да одморат околу 15 минути пред да ги послужите. Добар апетит!

ПОВРЗАНИ НАПИСИПОВЕЌЕ ОД АВТОРОТ