Потребно:
За филот:
- 200 г мелен мак
- 150 г шеќер (можете да користите повеќе или помалку, во зависност од вашиот вкус)
- 1 ванилин шеќер
- 4 лажици гриз
- 600 мл млеко
- 150 г путер
- 350 г мелени бисквити
За ганашот:
- 150 г млечно или бело чоколадо
- 70 мл слатка павлака
Подготовка: За подготовка на фимот, во тенџере ставете го макот, шеќерот, ванилиниот шеќер, гризот и млекото. Гответе околу десет минути, мешајќи повремено. Кога смесата ќе се згусне, тргнете ја од оган. Додадете го путерот во врелата смеса и мешајте додека не се растопи. Потоа додадете ги мелените бисквити. Се соединете и префрлете ја смесата во калап со дијаметар од 20 или 22 см и ставете во фрижидер. За ганашот, ставете го чоколадото и слатката павлака во тенџере, измешајте и загревајте, мешајќи, додека чоколадото не се растопи и сè добро не се соедини. Распоредете го готовиот ганаш врз тортата, полека преливајќи го преку неа, во тенок млаз. Декорирајте по желба и оставете го во фрижидер да се стегне. Добар апетит!
