Потребно:
За плескавиците
- 400 гр мелено месо
- Една главица кромид (средна големина)
- Една лажица рендан кашкавал
За земичките
- 900 гр компир
- Едно јајце
- Еден кромид
- 100 гр рендан кашкавал
- Сол и бибер
Подготовка: Прво подгответе ги земичките од компир. Излупете, измијте и изрендајте го компирот, па низ цедалка исцедете ја вишокот вода. Исцедениот компир ставете го во сад, додадете го ситно исечканиот кромид, изматеното јајце, кашкавалот, солта и биберот. Се добро измешајте. Вклучете ја рерната на 200 степени да се загрее. Со смесата наполнете ги силиконските калапи за мафини или на масна хартија во обично тава обликувајте земички и печете ги 15-20 минути. Извадете ги земичките од рерна и оставете ги да се оладат.
За плескавиците, измешајте го меленото месо со ситно исечканиот кромид и изренданиот кашкавал, додадете зачини по желба. Со рака обликувајте плескавици и прежете ги во загреано тавче, но не до крај. Сега е време за составување на хамбургерите!
На тава обложена со хартија за печење, ставете земичка од компир, па на неа ставете парче кашкавал (по желба) и поклопете со плескавица, па одозгора ставете уште една земичка од компир. Печете ги во претходно загреана рерна, неколку минути. Послужете со прилог салата што ја сака вашето дете.
