Потребно:
За пандишпанот:
- 4 јајца
- 120 г шеќер
- 1 ванилин шеќер
- 120 г брашно
- 1 прашок за печиво
- 50 мл масло
- 50 мл млеко
За кремот:
- 500 мл млеко
- 1 пудинг од ванила
- 3 лажици шеќер
- 200 мл слатка павлака
- 300 – 500 г јагоди, боровинки, малини (или комбинација)
Подготовка: Матете ги јајцата и шеќерот околу пет минути, додека смесата не стане лесна, густа и пенеста. Додадете го маслото и млекото и нежно мешајте. Измешајте го брашното и прашокот за печиво и просејте го во смесата и нежно мешајте рачно. Истурете ја смесата во калапот и печете на 180 °C околу 20-25 минути, потоа целосно изладете го пандишпанот и малку навлажнете го со малку млеко или сок по желба. Сварете го пудингот во млеко со шеќер и мешајте го повремено додека се лади за да остане мазен. Нежно измешајте ја претходно изматената слатка павлака во млакиот пудинг. Намачкајте го кремот врз пандишпанот, додадете го овошјето и прелијте го со лесен прелив за торта по желба. Добар апетит!
