Потребно:
- 320гр брашно
- 120мл павлака за готвење
- 1 јајце
- 100гр рендано сирење
- 1 лажичка прашок за печиво
- 1 лажчка сол
- 120гр путер
- Малку млеко
- Сусам или семки по желба
Подготовка: Путерот најдобро е да го оставите на собна температура да омекне, а ако сте заборавиле само исечете го на помали коцки. Потоа сите состојки измешајте ги убаво додека не се соединат. Се заедно измесете во мазно тесто, формирајте топка и оставате да мирува 20 минути на студено место. Подгответе две тавчиња за печење и обложете ги со хартија за печење. Тестото на малку брашно развлечете го во кора со дебелина од околу половина сантиметар и по желба правете форми и редете ги во тавчето. Секој бисквит премачкајте го со малку млеко, наросете сусам и семки по желба и печете ги на 190 степени, околу 15 минути. Добар апетит!
