РЕЦЕПТ НА ДЕНОТ: Создаден за жештините – што подобро освежува од домашен сладолед од лимон?

Овој сладолед ќе го обожавате не само поради вкусот, туку и затоа што можеби е наједноставниот сладолед за подготовка, а тоа е важен адут во жешките летни денови. Идеален за жешките денови, сладоледот од лимон може да биде одличен избор за ужина, особено ако е подготвен во сопствената кујна.

Потребно:

За околу 500гр сладолед

  • 250мл слатка павлака
  • 200мл млеко
  • 120мл лимонов сок
  • 1 лимон
  • 150гр шеќер

Подготовка: Ова е веројатно наједноставниот сладолед за подготовка: во блендер измешајте ја кората од лимон (кој претходно сте оставиле да отстои од 10 минути во вода со сода бикарбона) со шеќерот, а потоа додадете го лимоновиот сок, млекото и слатката павлака и оставете уште некое време да се миксира додека не добиете еднолична смеса. Кога смесата убаво ќе се олади, ставете ја во широк и низок сад, а потоа во замрзнувач на три до четири часа, но секои 30 минути убаво измешајте. По четири часа извадете си од кремастиот и освежувачки сладолед и послужете се.

ПОВРЗАНИ НАПИСИПОВЕЌЕ ОД АВТОРОТ