Потребно:
- Една црвена блага пиперка
- Два моркова
- Две помали тиквички
- Една помала главица кромид
- Две чешниња лук
- Една лажица маслиново масло
- Половина лажичка морска сол
- Две супени лажици пире од домати
- Три сомелени домати
- Половина шолја вода
- Еден ловоров лист
- Половина лажичка ситно сечкан магдонос
- Рендан пармезан
Подготовка: Кромидот и лукот исечкајте го ситно или изблендирајте ги до состојба на каша. Додадете ги при блендирањето и морковот, тиквичката и пиперката и се заедно сомелете. Во тенџере загрејте го маслиновото масло, па во него динствувајте ја зеленчуковата мешавина околу 5 минути. Додадете го ловоровиот лист и магдоносот и солта. Додадете го пирето од домати, водата и мелените свежи домати и се добро промешајте. Варете 20 минути. Со овој сос прелијте ја сварената тестенина што ја сака вашето дете и послужете му ја со динствувано пилешко месо.
