РЕЦЕПТ НА ДЕНОТ: Весели детски шпагети

Едноставен, но за децата интересен оброк кој ќе го снема од чинијата додека да трепнете...

Потребно:

За ќофтињата:
  • 300гр свинско мелено месо
  • 300гр говедско мелено месо
  • 1 главица кромид
  • 1 морков
  • 1 лажица оригано
  • 50гр пармезан 
  • 1 јајце
  • 1 лажица маслиново масло
За сосот:
  • 1 лажица маслиново масло
  • 1 тиквичка 
  • 3 чешниња лук 
  • 1 лажица доматно пире
  • 400гр сечкан домат

Подготовка: Во сад ставете ги двата вида мелено месо и сите останати наведени состојки, освен маслиновото масло. Се меша додека состојките добро не се соединат. Се прават топчиња и се редат во чинија. Потоа се подготвува сосот. Загрејте го маслото во поголемо тавче, додадете ја изренданата тиквицата, лукот и гответе ја смесата околу 5 минути, додека не стане мека и кашеста. Со мешање додадете го доматното пире. По една минута, додадете ги доматите. Оставете да врие на тивок оган околу 5-7 минути. Потоа додадете ги топчињата месо и оставете се заедно да се готви околу 15 минути. За цело тоа време лесно промешувајте, додека ќофтињата не се испржат. Сервирајте ги со сварени шпагети, врз кои може да наросите пармезан.