Американската агенција за храна и лекови (ФДА) во понеделникот одобри итна употреба на вакцината на Фајзер/Бионтек против коронавирус за деца на возраст од 12 години, проширувајќи ја програмата за вакцинација во САД. Претходно, најмладата одобрена возраст за вакцината Фајзер беше 16 години.
Родителите се тие што на крајот ќе одлучат дали ќе го вакцинираат детето против коронавирус. Но, што треба да земат предвид при донесувањето на таа одлука, на што да обрнат внимание и како воопшто да одлучат дали треба да го вакцинираат детето, објаснува медицинскиот аналитичар и лекар по семејна медицина, како и професор на Универзитетот Џорџ Вашингтон, д-р Леана Вен, за „Си-Ен-Ен“.
Според досега достапните податоци, вакцината ги штити децата подеднакво ефикасно како и возрасните. Ниту едно дете во клиничкото испитување кое примило вакцина не се разболело
Како да се пристапи кон одлуката за вакцинирање на децата?
„Прво би препорачала разговор со детето, можно е тие веќе да имаат силен став за тоа. Повеќето адолесценти едвај чекаат крај на пандемијата, дружење со пријателите без растојание, а експертите посочуваат дека единствениот начин да се постигне таа цел е вакцинацијата“, рече Вен, додавајќи:
„Вакцинацијата нема да ги врати само дружењата. Летните кампови, различните спортски активности, па дури и училишта сега имаат обврска да носат маски, и ако се сите вакцинирани, тоа повеќе нема да биде потребно, а овие активности ќе се одвиваат послободно, понормално. Покрај тоа, семејствата ќе бидат побезбедни. Многумина сè уште не се гледаат редовно, а ако се гледаат, тоа е на далечина. На овој начин, семејствата ќе можат повторно да ги организираат активностите кои сакаат да ги прават“.
Според досега достапните податоци, вакцината ги штити децата подеднакво ефикасно како и возрасните. Ниту едно дете во клиничкото испитување кое примило вакцина не се разболело. Со оглед на несаканите ефекти кај возрасните, Вен вели дека може да се очекуваат несакани ефекти и кај децата.
Сепак, таа напоменува ова се однесува на вообичаени, а не на ретки несакани ефекти, како што се покачена температура, отечено или болно место на инјектирање, замор и болки во мускулите. „Ретки случаи на тромбоза се поврзани со вакцината на Џонсон и Џонсон, која е векторска, додека такви нуспојави не се забележани кај вакцината на Фајзер, која е одобрена за деца, или mRNA вакцината на Модерна.
Зошто е важно да се вакцинираат децата?
Многу родители го користат аргументот дека децата ретко развиваат потешки клинички слики од Ковид-19, па зошто тогаш би се вакцинирале?
„Вистина е дека децата обично имаат многу поблаги симптоми отколку возрасните“, вели Вен, додавајќи: „Но, децата исто така можат да се заразат, некои сериозно се разболуваат, а за жал стотина деца починаа од Ковид-19 во САД. Адолесцентите исто така го шират коронавирусот, па со вакцинацијата не само што се штитат самите, туку и се намалува ширењето на инфекцијата.
Вакцинацијата нема да ги врати само дружењата. Летните кампови, различните спортски активности, па дури и училишта сега имаат обврска да носат маски, и ако се сите вакцинирани, тоа повеќе нема да биде потребно, а овие активности ќе се одвиваат послободно, понормално. Покрај тоа, семејствата ќе бидат побезбедни
Во врска со загриженоста дека вакцината предизвикува неплодност, таа истакнува дека никој не може ништо да каже со сигурност затоа што станува збор за нова вакцина, но ниту една вакцина не предизвикала неплодност, па затоа треба да се претпостави дека нема ниту оваа. „Негативните ефекти на вакцината се гледаат скоро исклучиво во рок од шест недели“, додава таа.
Истражувањата за деца на возраст под 12 години сè уште траат и вакцината против Ковид-19 за нив сè уште не е препорачана.
