За жал, специфични насоки за болеста КОВИД-19 се уште не постојат, но ви донесуваме општи совети за тоа што би требало да се внесува во организмот кога сте болни, но и што да се избегнува.
ИСХРАНАТА Е РАБОТА НА ИНДИВИДУАЛНИ ПОТРЕБИ
Се што досега знаеме за овој вирус укажува на тоа дека симптомите се разликуваат од лице до лице, а оние најчестите се сува кашлица, температура и отежнато дишење, но губење на мирис и вкус, што може да искусите и со грипот. Со оглед на различните симптоми, сами размислете што би дакале да јадете ако ви е лошо.
Во зависност од симптомите и сериозноста на истите, а и од тоа дали има кој да ви готви, вашата исхрана ќе се разликува од онаа на друго лице кое има КОВИД-19. Важно е секако да останете дома и да се јавите кај лекар, како и да најдете некој кој ќе ви обезбеди намирници.
ВОДАТА Е ВАЖНА
Ако сте болни, а особено ако имате температура која предизвикува потење, но и ако имате пролив, важно е да пиете многу течности, а освен вода, добри опции се и:
- Чај со мед
- Супа
- Сок
- Напивка што содржи електролити
Чајот со мед ќе ви биде пријатен, а може да ја смири и кашлицата. Ако не повраќате или иате пролив, не ви треба течност со електоролити, но ако ги имате и тие симптоми, тогаш мора да ги вклучите во исхраната. И соковите ќе помогнат бидејќи на организмот ќе му обезбедат и нутриенти. Со се горенаведеното, важно е и да одморате.
НУТРИЕНТИТЕ СЕ ВАЖНИ, НО И КАЛОРИИТЕ
На организмот му се потребни калории за полесно да се бори против инфекцијата, но не постои посебна листа на намирници кои се добри за инфекција. Постојат одредени хранливи материи, протеини и витамини А, Ц, Д и Е и цинк, кои ќе помогнат во зајакнувањето на имунолошкиот систем.
Богати извори на каротеноиди / витамин А се: морков, спанаќ, кељ, блитва, брокула, зелена салата, пиперка, домати, мешунки, аспарагус, магдонос, босилек, диња, тиква, тиквички, лубеница, кајсија, папаја, грејпфрут .
За витамин Ц изберете пиперки, портокали, ананас, лимон и грејпфрут, јагоди, папаја, брокула, прокељ, кељ, карфиол, киви и магдонос. Треба да се има предвид дека термичката обработка го уништува целиот витамин Ц, па затоа внимавајте на начинот на подготовка.
Нашето тело може само да го синтетизира витаминот Д, но му е потребна помош од сонцето. Доколку сакате да го зголемите вашето ниво на овој сончев витамин, лекарите препорачуваат максимално 15 минути изложување на сонце без да нанесување крема со заштитен фактор. Масната риба, како лососот, туната, скушата, пастрмката или сардината, претставуваат богат извор на витамин Д.
Витаминот Е, исто како и витаминот Ц, е моќен антиоксиданс. Јаткастите плодови, семките и ладно цедените растителни масла се богати со витамин Е. Во тоа предничат оревите и бадемите, сончогледови и семките од тиква, како и сончогледово и маслиновото масло се најпопуларни.
Цинкот од црвеното месо се смета за исклучително корисен бидејќи дури и мали количини црвено месо во исхраната ја зголемуваат апсорпцијата на цинк од сите други прехранбени извори на цинк како мешунките и други зеленчуци како брокулата, карфиолот, кељот и зелката.
Едно смуди полно со овошје и зеленчук со јогурт може да ви понуди многу калории доколку не сте гладни и ви е тешко да јадете, а можете да подготвите и пилешка супа.
КОИ НАМИРНИЦИ ДА СЕ ОГРАНИЧАТ?
Алкохолот предизвикува дехидрација и може негативно да влијае на имуниот систем, па ако сте болни, заменете го со вода. Ако имате проблеми со варењето, подобро е да избегнувате тешко сварлива храна бидејќи тоа ќе ви ја одземе енергијата и дополнително ќе ви го вознемири стомакот.
Крекерите, зачинетата храна може да ви го иритираат грлото доколку ве боли. Можеби можете да ги толерирате овие намирници, секако тоа зависи од симптомите.
