Во желбата, децата да им бидат успешни, некои родители прават работи за своите деца кои би требало тие сами да ги прават. Иако се чини дека на детето му правите услуга од време на време, во суштина создавате дете кое е зависно од вас во секој поглед. Секој родител сака најдобро за своето дете, но ако го надгледувате секој чекор на детето и му помагате се секоја ситница, всушност правите голема грешка. Таквото однесување е опишано во американската психологија и се нарекува “хеликоптер родителство“.
Ова се три работи кои никогаш не треба да правите за своите деца:
ДОМАШНА РАБОТА
Мора да останете имуни на изговореното со плачлив глас “ Јас тоа не можам да го направам“. Ако детето е искрено збунето со зададената тема, погледнете ги прашања, прашајте го детето што мисли дека тие значат, предложете му решенија, но немојте да ја правите неговата домашна наместо него и не седете до него додека работи. Оставете детето да изгради своја самодоверба.
ДА ЗБОРУВАТЕ ВО НЕГОВО ИМЕ
Лесно е да ставите свои зборови во устата на детето, оти децата се несигурни и често не знаат да се изразат на вистинскиот начин. Наместо веднаш да зборувате наместо детето, во секоја ситуација охрабрете го да зборува во свое име. Тоа е особено важни ако има проблем во училиште со друго дете.
ДА МУ ГИ ИЗБИРАТЕ ПРИЈАТЕЛИТЕ
Сигурно мислите дека знаете што и кој е најдобар за вашето дете. И веројатно сте во право. Но, тое е една лекција која детето мора само да ја научи. Во исто време, секако дека треба да се спречи детето да се дружи со деца кои имаат недолично и деструктивно однесување.
