Некои родители се вистински паничари и штом детето ќе кивне или ќе му протече носот веднаш трчаат на лекар, особено кога детето е помало. Сепак, повеќето родители со тек на време учат да се носат со зачестените респираторни проблеми, карактеристични за возраста кога се стекнува имунитетот. Меѓутоа, за разлика од кивањето, течењето на нос и благо зголемената температура, постојат симптоми кои кај децата никогаш не смеете да ги игнорирате.
Реакција на гласни звуци
Новороденчињата и бебињата не можат да кажат дали слушаат убаво или не, но родителите можат да воочат дали тие реагираат или не, на гласни звучни дразби. Ако забележите дека вашето дете не реагира на гласни звуци, посетете педијатар и договорете преглед на слухот. Како децата растат, им се претставуваат различни музички уреди, видео игри, телевизија…, кои ако не се користат правилно, можат во помала или поголема мера да предизвикаат потешкотии со слухот. Контролирајте ја гласноста на звуците што ги слуша детето. Гласноста никогаш не треба да преминува повеќе од половината на максималната, што уредот ја дозволува. Колку е можно, ограничете го и времето поминато во бучава.
Проблеми со концентрацијата
Повторно бебињата не можат да ви кажат дали видот им е заматен или дека не можат да ги фокусираат очите. Вие можете да забележите дали а детето му е тешко да се фокусира на некој објект или да видите дали тешко ги пронаоѓа предметите кои се близу (вашето лице или рака). Децата на училишна возраст може да имаат потешкотии со читањето, да седат многу блиску до ТВ екранот или често да ги тријат очите. Прашајте го детето дали во училиште гледа се што пишува на таблата, бидејќи често се случува детето да се смета за лош ученик, а тоа едноставно не гледа убаво што наставникот пишува на табла.
Висока температура и тешка главоболка
Децата често имаат зголемена телесна температура, главно предизвикана од помали инфекции и тоа најчесто не е загрижувачка состојба која нивниот организам многу лесно ќе ја победи. Ако зголемената температута е проследена со главоболка, особено ако главоболката е толку силна да детето едвај ги држи очите отворени, веднап посетете педијатар за да се исклучи можноста за менингитис (воспаление на мозочната обвивка).
Абдоминална болка
Некои деца имаат чувствителен дигестивен систем и често ги боли стомак, главно по консумирање на храна што не им одговара. Но, ако забележите зголемено ниво на нелагодност кај детето која вклучува болка во долниот десен дел на стомакот, повраќање, пролив и стомак чувствителен на допир, работите може да е посериозни, бидејќи може да станува збор за воспаление на слепо црево. Клучна разлика помеѓу болка во стомакот како рекација на храна и воспалено слепо црево е таа да болката при слепо црево се зголемува со тек на време.
Екстремен замор
Ако видите дека детето е поуморно од вообичаено и го нема тоа ниво на енергија на кое сте навикнале, немојте тоа да го игнорирате и да го препишете на недоволно сон или пубертетот. Причини може да има повеќе и појдете на лекар да ги провери. Некои од нив може да бидат анемија, депресија, малапсорпција или главоболка. Важно е на детето, особено на тинејџерска возраст, да му озвоможите време насамо со лекарот, бидејќи можеби ќе му биде непријатно пред вас да зборува за чувствителни прашања.
Проблеми со дишењето
Астмата е се почеста болест меѓу децата и нејзината зачестеност со годините се зголемува. За да ги препознаете симптомите, немојте да ја игнорирате задишеноста кај детето при физичка активноср, пискав звук при издишување, потешкотии со дишењето или бавно опоравување од респираторни инфекции.
Губење на тежина
Необјасниво слабеење е знак за узбуна. Никако немојте да го игнорирате овој симптом, бидејќи може да е повзран со многу проблеми, вклучително и карцином. Затоа, за секоја необјаснива промена на масата на детето, информирајте го неговиот педијатар.
Екстрено чувство на жед
По часови тршање и игра со врсниците, детето ќе биде жедно секако, но екстремната жед е сосема поинаква. Ако забележите дека детето не може да ја угаси жедтта и пие многу вода, информирајте го лекарот за овој симптом, бидејќи тоа е прв знак за дијабетес.
