Студијата, објавена во „Annals of Clinical and Translational Neurology“, опфатила 412 пациенти, од кои 82% имале невролошки проблеми кои траеле и по лекувањето.
Учесниците во студијата, исто така, пријавиле и одредени други симптоми кои можат да укажуваат на тоа дека некое лице е веќе заразено со COVID-19. Според студијата, станува збор за болки во мускулите, главоболка, ментална конфузија, губење на мирис и вкус и болки во очите.
Болка во мускулите
Според студијата, 44,8% од испитаниците имале болки во мускулите како резултат на коронавирусот. Американскиот центар за контрола и превенција на болести (CDC) исто така ја наведува болката во мускулите како еден од симптомите на Ковид-19. Може да потрае и со месеци откако лицето ќе го преболи Ковид-19.
Главоболка
CDC, исто така, ја наведува главоболката како еден од очигледните симптоми на Ковид-19, а истото го покажала и оваа студија. Можно е некои луѓе навистина да имале Ковид-19, а главоболката ја припишувале на проблеми со видот или прекумерна употреба на компјутер.
Ментална конфузија
Во студијата е наведено дека менталната конфузија е забележана како чест симптом на Ковид-19, т.е. 31,8% од испитаниците ја пријавиле збунетоста како симптом.
Губење на вкус и мирис
И оваа студија го потврди губењето на мирис и вкус како еден од симптомите на Ковид-19. Овој симптом е клучен во разликувањето на Ковид-19 од, на пример, грипот, кој предизвикува неколку симптоми кои исто така се јавуваат и кај Ковид-19.
Болка во очите
Многу луѓе кои имале позитивен тест за вирусот, откриле дека имале болки во очите на почетокот на болеста. Претходно се сметаше дека ова е последица на прекумерна употреба на компјутер и мобилен телефон за време на заклучувањето. (Business Line)
