Болеста мутира и носи нови варијанти на вирусот кои лесно се пренесуваат, а наоѓа и нови начини да се презентира кај луѓето. Во моментот, се уште актуелен е сојот BA.5, но симптомите се менуваат, а оние што се појавуваат на белите дробови се сè уште најдоминантни.
Д-р Алисон Арвади минатиот месец изјави дека забележал неколку работи во новите случаи на инфекција – една од нив е дека сериозните болести веројатно ќе изостанат, а тоа значи дека денес имунолошкиот систем кај луѓето е посилен и способен да се одбрани од патогени. Тој забележал и дека вирусот често се презентира во респираторниот систем.
Според една студија направена на Универзитетот во Калифорнија, откриено е дека покачената температура може да биде првиот симптом, како и кашлица или болка во мускулите. После тоа може да се појави гадење, повраќање и дијареја
„Гледаме многу повеќе случаи на болки во грлото, замор, покачена температура и течење на носот“, вели докторот.
Иако главоболката и осипот можат да бидат симптоми на болеста, ниту еден не е на врвот на листата. Тој додава дека забележува се помалку губење на вкусот и мирисот во однос на претходно, но тие и понатаму се јавуваат како симптоми.
„Бидејќи сè уште се презентира како настинка или грип, понекогаш е тешко да се знае за која болест се работи, освен ако не направите тест“, вели д-р Арвади и додава дека кашлицата останува најдолго присутна и речиси секогаш се јавува, како што е случај со секоја вирусна инфекција.
Раните симптоми на Ковид вклучуваат замор, главоболка, болно грло и покачена температура
Според една студија направена на Универзитетот во Калифорнија, откриено е дека покачената температура може да биде првиот симптом, како и кашлица или болка во мускулите. После тоа, според „Johns Hopkins Medicine“, може да се појави гадење, повраќање и дијареја. За разлика од другите респираторни заболувања како МЕРС, САРС, пациентите со Ковид најверојатно прво ќе имаат гадење, потоа повраќање и дури потоа дијареја, открива истражувањето.
ЦДЦ, исто така, смета дека границата до појавата на првите симптоми е поместена и дека тие сега можат да се појават за само 3 дена по контакт со вирусот
Дигестивните симптоми понекогаш може да бидат сигнал дека некој штотуку го „собрал“ вирусот. Засега е познато дека може да се појават на почетокот на инфекцијата, заедно со респираторните симптоми кои често се појавуваат на вториот ден, велат научниците. Сепак, некои симптоми, како што е отежнато дишење, се појавуваат сè помалку како што вирусот мутира.
„Кога се зборува за симптомите на оваа болест, луѓето ги објаснуваат како разновидни. Меѓутоа, со омикрон некако забележавме дека треската и кашлицата се појавуваат почесто од отежнатото дишење“, наведува д-р Шерон Велбел, директорка на болницата за епидемиологија „Cook County Health.“ Експертите ги предупредуваат пациентите дека сериозноста па и јачината на симптомите на почетокот на болеста може да варираат од личност до личност.
„Мислам дека тоа е случај во моментов, а какви ќе бидат симптомите зависи од факторите како што се возраста, постоечките болести, имунолошкиот систем и многу повеќе… така што мислам дека нема големи шанси тие да се предвидат за секој поединечно“, вели докторката. ЦДЦ, исто така, смета дека границата до појавата на првите симптоми е поместена и дека тие сега можат да се појават за само 3 дена по контакт со вирусот. Општо земено, симптомите ќе се појават 2-14 дена по изложувањето, но колку долго ќе бидат присутни зависи од личноста, сериозноста на инфекцијата и дали ќе страда од долгорочен Ковид, додека кај некои луѓе симптомите ќе траат до три недели.
Симптоми на болеста Ковид
- Температура или грозница
- Кашлица
- Краток здив
- Замор
- Болка во мускулите и телото
- Главоболка
- Губење на вкус и мирис
- Воспалено грло
- Течење на носот
- Дијареја
- Гадење или повраќање
Ако се појават овие симптоми, неопходно е веднаш да посети лекар:
- Тешкотии со дишењето
- Болка или притисок во градите
- Конфузија
- Потешкотии со будење или заспивање
- Бледа кожа
