ПИШУВА:
Слаѓана Трајкова,
мастер логопед
„Завод за рехабилитација на слух, говор и глас“ – Скопје
♦♦♦♦♦♦♦
Во пандемија на корона да се погрижиме за правилното говорно воспитување на децата. Како да му се помогне на семејството? Предлог неколку говорни стратегии кои го подобруваат говорното воспитување на децата:
1. Да се постави режим на одредени навики и режим на однесувањето. Секоја навика, рутина и дисциплина го намалува чувството на страв и плашливост и дава емоција на контрола, не само кај родителите туку и кај детето. Неорганизираното семејно живеење уште повеќе го збунува малото дете. Треба да се почне со ограничување на нивното недолично однесување – така тие ќе добијат чувство на сигурност и заштита. Да се практикуваат редовни и усмерени навики кои се состојат од мирни активности: опуштен разговор, читање книга, бањање и сл. Овие мирни активности ќе му помогнат на детето да се опушти.
2. Обезбедете му физички активности во домашни услови. Сега кога не е во можност да трча надвор или да игра со топка обезбедете му физички вежби. Вежбата ќе му го намали стресот и ќе му помогне да се опушти.
Децата сакаат да ги посматраат другите луѓе и бараат таков лик со кој ќе можат да се поистоветуваат. Бараат позитивен лик кој ги применува сите мерки кажани од здравствените служби. Кога го гледа родителот како често си ги мие рацете, како носи маска и детето ќе почне да имитира. Гледајќи во родителот прави сопствена насока како да си помогне на самото себе, преку добиените родителски сигнали прати дали ситуацијата е безбедна или не
3. Тешење како утешна стратегија на детето. Тешењето и смирувањето е корисна стратегија која родителите треба да ја употребуваат секој ден. Тешењето го намалува стравот, обезбедува комуникација и се чувствува безбедно и заштитено. Се практикува преку: галење, чешлање, масажа, пеење на песнички, читање и др.
4. Родителите да ја почитуваат детската вознемиреност. Ако му кажеме: „Престани да се плашиш од пандемијата на корона“ или „Доста веќе не можам да те слушам“ не му помага. Повеќе би му помогнал пристапот кога ќе се прифати неговиот страв и вознемиреност. Ќе му помогнеме кога ќе му кажеме дека ние како родители сме овде за него и што и да се случи секогаш ќе бидеме близу до него.
Тешењето и смирувањето е корисна стратегија која родителите треба да ја употребуваат секој ден. Тешењето го намалува стравот, обезбедува комуникација и се чувствува безбедно и заштитено. Се практикува преку: галење, чешлање, масажа, пеење на песнички, читање
5. Родителите да бидат како пример за правилно однесување. Децата сакаат да ги посматраат другите луѓе и бараат таков лик со кој ќе можат да се поистоветуваат. Бараат позитивен лик кој ги применува сите мерки кажани од здравствените служби. Кога го гледа родителот како често си ги мие рацете, како носи маска и детето ќе почне да имитира. Гледајќи во родителот прави сопствена насока како да си помогне на самото себе, преку добиените родителски сигнали прати дали ситуацијата е безбедна или не. Родителот треба да се однесува храбро и достоинствено применувајќи ги строгите мерки за заштита од вирусот. Кога зборува да има утешителен тон и храбро однесување. На овој начин се испраќа порака дека детето е заштитено.
6. Читање книга (сликовница) со ведра и оптимистична содржина. Кога е детето исплашено треба да се пронајде таква активност во која тоа ќе се соживее, и ќе бара да се пронајде. Има голем број на корисни книги кои може да се читаат во времето кога семејството е дома.
Се практикува родителот да чита, а детето да слуша, преку читањето тоа учи како само да се избори со новонастанатата ситуација, ја развива креативноста и желбата да се помогне на друг. Се подобрува расположението и се отфрлаат негативните мисли и се исполнува со позитивно расположение.
Препорака: Важно е сите ние да ги почитуваме препораките од лекарите, да седиме дома и да го најдеме мирот во самите себе. Да се фокусираме на здравје, а не на болест, да се фокусираме на здрава иднина.
