Стотици бебиња во Велика Британија секоја година умираат или остануваат со доживотен инвалидитет, бидејќи на идните мајки не им се нуди едноставен тест. Околу 800 бебиња годишно ќе развијат инфекција од групата Б стрептокок (ГБС) – или околу две бебиња дневно.
Тестот вклучува земање примерок од брис од вагината и ректумот на идната мајка, каде што обично лежи бактеријата, неколку недели пред датумот на раѓање
Секоја недела едно бебе ќе умре од инфекција, а две ќе останат со доживотна попреченост.
„Тоа е срцепарателен старт на животот за семејствата, а честопати првиот момент кога слушаат за група Б стрептокок е кога нивното бебе е болно или е на интензивна нега“, изјави за Би-Би-Си Оливер Пламб, од хуманитарната организација Group B Strep Support.
Во Велика Британија во моментов рутински не се тестираат идните мајки за група Б стрептокок. Ова значи дека само одредени болници нудат скрининг што може да спаси живот.
Бактериите од групата Б стрептокок (ГБС) се наоѓаат генерално во цревата, вагината и ректумот кај околу 25 % од сите здрави трудници
Тестот вклучува земање примерок од брис од вагината и ректумот на идната мајка, каде што обично лежи бактеријата, неколку недели пред датумот на раѓање.
Стрептокок од групата Б се наоѓа кај околу една од пет жени, но обично не предизвикува штета кај идната мајка, се наведува во упатствата на NHS.
Опасноста е при породување – мајката може да ја пренесе смртоносната бактерија на своето новороденче за време на породувањето без да знае. Бактеријата може да предизвика сепса, пневмонија или менингитис кај детето, а сите тие може да бидат смртоносни.
Во огромното мнозинство на случаи, бебињата нема да бидат засегнати.
Искуства
Бебињата на Натали Локиер и на Бека Муркот биле сериозно болни откако ја фатиле бактеријата. Ќерката на Натали, Квин починала на возраст од десет недели откако развила ГБС на старост од пет недели. Откако се разболела само пет недели по нејзиното раѓање, Квин била префрлена во болница во Лондон. Мајката изјавила за Би-Би-Си дека медицинските лица од цел свет кои биле во болницата биле шокирани што скринингот за ГБС не е рутинска процедура во Британија, како што е во другите земји.
„Ако тие го прават тоа, зошто не го правиме ние? Толку е едноставно“, прашува таа.
Синот на Бека, Алби бил роден на Boxing Day 2023 година и имал менингитис од групата Б стрептокок, што предизвикало повреда на мозокот. Се разболел дома и бил примен во болница каде состојбата му се стабилизирала. Нејзиниот сопруг, Роб, изјави за Би-Би-Си: „Можевме да бидеме тестирани и подготвени за тоа, а Алби можеше да се спаси од тоа“.
Бека рече дека тестирањето треба да се изврши при породување или кратко пред тоа.
Стрептокок од групата Б е најчеста причина за сериозни инфекции кај новороденчињата. ГБС инфекцијата може да доведе до менингитис, пневмонија или сепса. Менингитисот е почест кај бебе кое има инфекција со ГБС и се јавува една недела до неколку месеци по раѓањето
Оливер, од добротворната организација, објаснува: „Во Британија, за жал, немаме рутинска програма за тестирање, тоа е во спротивност со голем дел од остатокот од светот со високи приходи“.
Комитетот даде неколку причини зошто не се препорачува рутински скрининг, вклучително и дека резултатите може да се променат во последните неколку недели од породувањето и дека ГБС не предизвикува инфекција кај секое бебе. Одлуката треба повторно да биде разгледана.
Добротворната организација повика ГБС да стане болест која ќе мора да се пријави за да биде законска одговорност за сите инфекции да се пријавуваат, за да може да се следат епидемиите. Оттаму велат дека во сегашните бројки може да недостасуваат околу една петтина од инфекциите, пишува британски „Сан“.
ГБС: Кои се симптомите?
Симптомите кај новородените бебиња обично се развиваат навистина рано, најчесто во првите 24 часа по раѓањето. Тие вклучуваат:
- Треска;
- Проблеми со дишењето;
- Сина боја на кожа (цијаноза);
- Напади;
- Млитавост или вкочанетост;
- Абнормалности на отчукувањата на срцето и крвниот притисок;
- Лошо хранење;
- Повраќање;
- Дијареја;
- Вознемиреност.
(Извор: NHS)
