Иако долгорочните ефекти на КОВИД-19 на доенчињата допрва треба да се видат, стручњаците од две медицински школи во Јужна Калифорнија некои заклучоци ги извлекуваат од податоците за последиците од пандемијата на грип 1918., како и претходни болести предизвикани од коронавируси како САРС во 2002. и МЕРС 2012.
Пандемијата на грип во 1918 имала долгорочни ефекти на бебињата изложени in utero (во матката). Статистички е докажана порана смртност во возрасниот период од животот, повеќе дијабетес, повеќе исхемиски болести на срцето и депресија по 50. година, велат истражувачите, чии труд го објави Journal of Developmental Originis of Health and Disease.
“Можно е и пандемијата со КОВИД-19 исто така да има долгорочни влијание на оние кои во време на пандемијата се уште се наоѓале во матката, што поради изложеноста на инфекцијата на мајката или стрес поради пандемиското опкружување“, предупредуваат авторите.
Вирусните инфекции на мајката може да влијаат на фетусот на повеќе начини: од директен пренос преку плацентата до воспалутелни одговори кои го реметат метаболизмот во матката и негативно влијаат на растот. Иако се чини дека директното пренесување на вирусот и тешките вродени недостатоци биле ретки за време на претходните епидемии на коронавируси, сепак дошло до зголемување на предвремени породувања и мала родилна тежина за време на епидемијата со САРС во 2002. и со свински грип во 2009.
Иако студиите за КОВИД-19 и бременоста се уште се во рана фаза, достапните сознанија заслужуваат понатамошни истражувања, напишале авторите. Зголемените стапки на предвремени породувања може да бидат поврзани со инфекцијата со коронавирусот SARS-CoV-2 на мајката, а некои студии покажуваат дека тешката форма на болеста е поврзана со поголем ризик од мртвородени. Тука е зголемен и ризикот од појава на крвни згрутчувања.
Поради тоа, научниците од Унивезитетот во Јужна Калфорнија предлагаат итно и опсежно собирање на податоците за мајките, фетусите, новороденчињата и постелките. Овие почетни податоци би требало, велат истражувачите, подоцна да се пополнат, следејќи го растот и развојот на детето и подоцна, во возрасниот период.
Пандемијата го зголеми нивото на стрес, невработеноста, лошата исхрана и семејното насилство, а ја намали или поремети пренаталната нега. Од тие причини, истражувачите сугерираат во истражувањата да се вклучат и незаразени мајки и деца.
Тоа, велат тие, ќе овозможи споредба помеѓу земјите кои превземаат различни мерки за спречување на ширењето на коронавирусот.
