Сè уште малку се знае за новата варијанта на коронавирус – омикрон и ќе бидат потребни неколку недели за да се дознае нешто повеќе, но според информациите кои доаѓаат од Јужна Африка, каде што се појави сојот, познато е дека омикрон засега предизвикува само блага до умерена форма на болеста.
Според она што е досега познато, омикрон најверојатно предизвикува малку поинакви симптоми. Д-р Анџелик Коци, докторката која прва пријави „чудни“ симптоми кај пациентите во Јужна Африка, наведе три симптоми кои се заеднички за повеќето: замор, болки во мускулите и телото, главоболка
Претставник на Светската здравствена организација (СЗО) за Ројтерс изјави дека повеќето пациенти во моментов немаат тешка клиничка слика, иако не значи дека тоа е невозможно да се случи.
„Кога станува збор за сериозноста, видовме извештаи кои покажуваат дека омикрон предизвикува благи до тешки форми на болеста. Постојат некои индикации дека симптомите се благи кај многу пациенти, но сепак, сè уште сме во првите денови. Ја следиме ситуацијата, и точно е дека бројот на хоспитализирани во Јужна Африка е зголемен, но повторно, ова може да се должи на фактот дека и самиот број на пациенти е зголемен. Ако имате повеќе заболени, ќе има и повеќе хоспитализирани“, рече д-р Марија Ван Керков од СЗО.
Докторка од Боцвана, една од првите земји каде што е потврден овој вирус, вели дека 16 од 19 заразени лица немале симптоми, а останатите тројца имале „многу благи“ симптоми. Исто така, тамошните лекари тврдат дека сите заразени со омикрон веќе оздравеле.
Сите веќе знаеме какви симптоми предизвикува коронавирусот: упорна кашлица, висока температура, губење на чувството за вкус и/или мирис… Сепак, според она што е досега познато, омикрон најверојатно предизвикува малку поинакви симптоми. Д-р Анџелик Коци, докторката која прва пријави „чудни“ симптоми кај пациентите во Јужна Африка, по што е откриен новиот сој, наведе три симптоми кои се заеднички за повеќето: замор, болки во мускулите и телото, главоболка.
Таа, исто така, истакна дека, за разлика од заразените со делта сојот, ниту еден од заразените со омикрон не пријавил губење на чувството за вкус и мирис.
Сепак, ќе мора да помине извесно време за да се дознае повеќе за симптомите кои упатуваат на омикрон. Кога станува збор за тоа зошто новата варијанта дава поблаги симптоми, експертите сметаат дека причината е можеби тоа што многу луѓе се вакцинирани, па вакцините го ослабуваат вирусот, а втората причина е тоа што претежно се заразени млади луѓе, пишува „Мондо“.
