Прелиминарните истражувања покажале дека антителата произведени како резултат на инфекција или вакцини против коронавирусот се доволни за заштита од новата варијанта на Ковид BA.2.86, соопштија од Американскиот центар за контрола и превенција на болести (ЦДЦ).
Ова не е во согласност со претходните проценки на ЦДЦ од август 2022 година дека, во споредба со претходните, новата варијанта на Ковид може да предизвика инфекција во поголема мера кај граѓани кои биле болни или се вакцинирани.
Се очекува Управата за храна и лекови во наредните денови да одобри подобрени вакцини кои треба да обезбедат заштита од подваријантата KSBB.1.5 на омикрон.
Прелиминарните податоци покажуваат дека ефектот на новите вакцини може да биде охрабрувачки, соопшти ЦДЦ.
Агенцијата за јавно здравје соопшти дека новиот сој на Ковид 19 не влијаел на зголемувањето на нови случаи на Ковид 19 и хоспитализирања во САД. Сепак, таа го поврза тој тренд со други вируси кои циркулираат во земјата.
Од минатиот петок, сојот на Ковид BA.2.86 е пријавен во девет американски држави. Покрај тоа, детектиран е и во Јапонија, Велика Британија и Канада.
