♦♦♦♦♦♦♦
Децата се чини дека не се изложени на поголем ризик од КОВИД-19 од возрасните, кои го сочинуваат огромното мнозинство на случаи досега, според Американскиот центар за контрола и превенција на болести. Децата сочинуваат околу 1,7 проценти од случаите на КОВИД-19 во САД.
Сепак, вирусот мора да се сфати сериозно, дури и кај децата. Некои деца биле хоспитализирани, а во ретки случаи некои и завршиле фатално од вирусот. Многу родители се прашуваат што да прават ако нивното дете се разболи. Еве што треба да знаете, пишува „UNC Health Talk“.
Знаци и симптоми на КОВИД-19 кај децата
Симптомите на КОВИД-19 кај децата се слични на вообичаените респираторни вируси и може да бидат поблаги од симптомите на КОВИД-19 кај возрасните. Децата може да бидат заразени и да не покажуваат никакви знаци или симптоми, но сепак, може да ја шират болеста на други.
КОВИД-19 симптоми кај децата вклучуваат:
- Треска
- Симптоми на респираторна инфекција (течење на носот, болки во грлото)
- Кашлица
- Назална конгестија
- Повраќање и дијареја
Јавете се на лекар ако вашето дете има некој од овие симптоми.
Децата со хронични состојби се соочуваат со поголем ризик
Децата со основни здравствени проблеми и хронични состојби, како што се заболувања на белите дробови, дијабетес, дебелина и имуносупресија се изложени на поголем ризик од сериозни компликации од КОВИД-19.
„Треба да бидете особено внимателни со овие деца“, вели д-р Стефани Дејвис, главен лекар во детската болница на Н.Ц. и шеф на одделот за педијатрија при УНК.
Децата со основни здравствени проблеми и хронични состојби, како што се заболувања на белите дробови, дијабетес, дебелина и имуносупресија се изложени на поголем ризик од сериозни компликации од КОВИД-19
Покрај тоа, здравствените експерти предупредуваат дека децата можат да развијат ретка состојба поврзана со КОВИД-19 наречена педијатриски мултисистемски воспалителен синдром, или PMIS. Исто така, наречен и мултисистемски воспалителен синдром кај децата (MIS-C), тој е потенцијално опасен по живот и бара итна медицинска помош.
За да го заштитите вашето дете од KОВИД-19, употребувајте маски за лице (ако детето има 2 или повеќе години), практикувајте добра хигиена на рацете и физичка дистанца.
Не одложувајте ги прегледите
За детето е важно да продолжи со редовни прегледи и имунизација, и да добие лекарска помош во случај на болест.
„Имаме деца кои се појавуваат со потешка болест во нашата соба за итни случаи затоа што родителите се плашат да ги донесат. Тие навистина треба да го донесат детето на преглед“, вели д-р Дејвис, која додава дека се погрижиле нивното доаѓање во собата за итни случаи, ургентниот центар и клиниките да биде безбедно.
