Антителата произведени по примањето на кинеската вакцина „Синовак“ против Ковид-19 паднале под клучниот праг отприлика шест месеци по примање на втората доза кај повеќето вакцинирани, но третата доза имала силен стимулативен ефект, покажува лабораториска студија.
Кинеските истражувачи ги објавија наодите од студијата на примероци од крв кај здрави возрасни лица на возраст од 18 до 59 години во трудот објавен во неделата, кој не е рецензиран.
Не е јасно како намалувањето на антителата ќе влијае на ефикасноста на вакцината, бидејќи научниците сè уште не утврдиле прецизен праг на нивото на антитела за вакцината за да се спречи болеста
Меѓу учесниците кои примиле две дози, во интервал од две или четири недели, само 16,9 отсто и 35,2 отсто, имале неутрализирачки антитела над она што истражувачите го сметаат за ниво на препознатлив праг шест месеци по втората доза, се вели во трудот.
Овие наоди се базираат на податоците од две групи со повеќе од 50 учесници во секоја, додека во студијата е дадена трета доза на вакцина или плацебо за вкупно 540 учесници.
Истражувачите рекле дека не е јасно како намалувањето на антителата ќе влијае на ефикасноста на вакцината, бидејќи научниците сè уште не утврдиле прецизен праг на нивото на антитела за вакцината за да се спречи болеста.
Меѓу учесниците кои примиле две дози, во интервал од две или четири недели, само 16,9 отсто и 35,2 отсто, имале неутрализирачки антитела над она што истражувачите го сметаат за ниво на препознатлив праг шест месеци по втората доза, се вели во трудот
„На краток и среден рок, најважно е да се осигура што е можно повеќе луѓе да бидат целосно вакцинирани со две дози на Синовак“, велат авторите на студијата.
Во студијата, исто така, е наведено дека учесниците во некои групи кои ја примиле третата доза на „Синовак“ околу шест месеци по втората, покажале за 3-5 пати зголемување на нивото на антитела по уште 28 дена, во споредба со нивото забележано четири недели по примање на втората доза .
Истражувачите предупредија дека студијата не го тестирала влијанието на антителата врз преносливите варијанти и дека се потребни дополнителни истражувања за да се процени времетраењето на антителата по третата доза.
Студијата ја спроведоа истражувачи во телата за контрола на болести во провинцијата Џиангсу, Синовак и други кинески институции.
