Децата чии мајки имале ковид за време на бременоста можат да имаат поголем ризик од аутизам, покажува ново истражување. Американските научници, кои анализирале повеќе од 18.000 раѓања во првата година од пандемијата на Ковид-19, откриле дека децата имале речиси една третина поголема веројатност да бидат дијагностицирани со невроразвојно нарушување отколку оние чии мајки немале инфекција за време на бременоста.
Откриле и дека ризикот е поизразен кај момчињата, како и во случаи кога мајката имала ковид инфекција во третиот триместар.
Истражувачите сметаат дека ова е едно од најголемите досегашни истражувања за бебиња родени од жени кои имале ковид во раните денови од пандемијата — пред вакцините да станат широко достапни. Јавноздравствените експерти велат дека наодите ја потенцираат важноста од вакцинација против ковид за време на бременоста, со цел да се заштити здравјето и на мајката и на бебето.
Сепак, истражувачите предупредуваат дека ризикот од ваква дијагноза останува исклучително мал. Тие, исто така, нагласуваат дека резултатите се само набљудувачки, што значи дека не докажуваат дека ковид предизвикува невроразвојни нарушувања како аутизмот.
Д-р Андреа Едлоу, специјалистка по фетална медицина во болницата Mass General Brigham во Бостон и коавторка на студијата, изјави: „Тоа не значи дека секоја бремена жена со ковид во бременоста треба да мисли дека нејзиното дете ќе има аутизам. Вкупниот, апсолутен ризик не е многу висок.“
Истражувачите откриле и дека момчињата имаат поголем ризик од аутизам од девојчињата, а ризикот бил најголем кога инфекцијата се случила во третиот триместар, што укажува дека изложеноста кон крајот на бременоста може да има поголемо влијание врз мозочниот развој
Нејзината колешка, д-р Лидија Шук, исто така специјалистка по фетална медицина во истата болница, додаде: „Свесноста кај родителите за можните неповолни последици по невроразвојот на детето по прележан ковид во бременоста е клучна. Со разбирање на ризиците, родителите можат правилно да се залагаат нивните деца навреме да добијат соодветна процена и поддршка.“
Во студијата, истражувачите анализирале 18.124 деца и нивните мајки во периодот од март 2020 до мај 2021 година. Откриле дека од 861 дете чии мајки имале ковид за време на бременоста, 140 (16,3 %) добиле дијагноза на невроразвојно нарушување до третата година од животот. За споредба, 1.680 (9,7 %) од 17.263 деца чии мајки не биле заразени имале ваква дијагноза.
Во трудот објавен во списанието Obstetrics & Gynecology, истражувачите наведуваат дека, по земање предвид на други можни фактори, инфекцијата со ковид за време на бременоста е поврзана со 29 % поголема веројатност детето да развие невроразвојнo нарушување.
Аутизамот не е болест и е присутен од раѓање, иако може да не се препознае до детството или дури и многу подоцна во животот. Тој постои на спектар — некои луѓе можат да живеат самостојно со минимална поддршка, додека други имаат потреба од целодневна грижа
Откриле и дека момчињата имаат поголем ризик од девојчињата, а ризикот бил најголем кога инфекцијата се случила во третиот триместар, што укажува дека изложеноста кон крајот на бременоста може да има поголемо влијание врз мозочниот развој.
Ова истражување доаѓа откако американскиот министер за здравство Роберт Ф. Кенеди Џуниор — долгогодишен скептик за вакцини — објави претходно годинава дека Центрите за контрола и превенција на болести (CDC) повеќе нема да ја препорачуваат вакцината против коронавирус за здрави бремени жени. Оваа одлука предизвика жестоки реакции од јавноздравствени експерти. Американскиот колеџ за акушери и гинеколози, како и Националната здравствена служба (NHS) во Велика Британија, сè уште ја препорачуваат вакцинацијата.
Научниците сметаат дека е ретко респираторни вируси како грипот и ковид да ја преминат плацентарната бариера и дека влијанието врз фетусот веројатно е поврзано со имунолошкиот одговор на мајката. Можно објаснување е воспалението, кое предизвикува ослободување на сигнални молекули што можат да влијаат врз тоа како невроните во мозокот растат, се поврзуваат и се движат.
Досегашните истражувања за влијанието на грипот и ковид врз невроразвојот на децата даваат мешани резултати.Податоците на NHS покажуваат дека речиси 130.000 деца под 18 години во Англија чекале проценка за аутизам во декември 2024 година. Експертите го опишуваат ова како „невидлива криза“, бидејќи службите постојано не успеваат да одговорат на растечката побарувачка.
Аутизамот не е болест и е присутен од раѓање, иако може да не се препознае до детството или дури и многу подоцна во животот. Тој постои на спектар — некои луѓе можат да живеат самостојно со минимална поддршка, додека други имаат потреба од целодневна грижа, пишува Дејли мејл.
