Денешните родители ги чуваат децата под стаклено ѕвоно и тоа воопшто не е добро. Нормално е родителите да сакаат да ги заштитат своите деца од се што може да им наштети, особено од бактерии кои предизвикуваат болести. Меѓутоа, децата мора да имаат контакт со бактерии бидејќи само така нивниот имун систем ќе може да ги препознае, а потоа и да ги уништи. Примери кои можат да се видат во зима во земји како Шведска, Данска или Исланд се непоимливи за многу родители во нашиот регион. Редиците колички за бебиња наредени на тротоарите пред кафулињата и рестораните, додека надвор врне снег или е ветровито, е нормална појава во овие земји.
Додека родителите пијат кафе и чај внатре, нивните потомци спијат покриени на температури под нулата. И кога се дома, родителите ќе ја изнесат количката на тераса за попладневната дремка на бебето, за бебето да не го пропушти редовното дневно челичење на остриот северен воздух. Зад оваа практика стои популарно верување дека престојот на свеж воздух ги прави децата поотпорни на вируси и настинки, додека престојот во затворен простор не е здрав и ја зголемува можноста за зарази. Ова се најчестите грешки што ги прават родителите кои сакаат да ги заштитат своите деца, но всушност само им штетат:
ПРЕТОПЛИВАЊЕ НА ДЕТЕТО
“Првата грешка што ја прават родителите е дека ги претоплуваат бебињата, затоа што мислат дека се склони кон настинки. Тоа е сосема погрешно. Токму спротивното. Бебињата се чувствителни на прегревање. Не треба да се завиткуваат и дополнително да се покриваат, да им се облекуваат чорапи и капи, особено ако се дома, а просторијата во која престојуваат не треба да биде потопла од 22 степени. Во спротивно, може да дојде до оштетување на системот за терморегулација, што подоцна ќе го направи таквото дете чувствително на ладно и склоно на настинки“, објаснува д-р Иван Јонев.
ПРЕТЕРУВАЊЕ ВО ОДРЖУВАЊЕТО НА ХИГИЕНАТА НА ПРОСТОРОТ
Претерувањето во одржувањето на хигиената може да доведе до нарушување на имунитетот на бебето и да придонесе за развој на алергии, астма и егзема. Се разбира, одржувањето на хигиената е многу важно, но тоа не значи дека човекот треба да живее во целосно стерилна средина. Современите средства за хигиена придонеле за искоренување на многу болести, но доколку употребата на средства за чистење е прекумерна, околината во која живее детето станува „тригер“ за развој на имунолошки нарушувања.
“Од пракса знам дека многу родители грешат кога станува збор за хигиената. И тука се појавува проблемот, бидејќи како децата ќе стекнат имунитет ако сè околу нив е стерилно. Тука спаѓаат ситуации кога нешто ќе падне на подот или кога не сакаат децата да ги праќаат во градинка за да не бидат постојано болни. Родителите никако да сфатат дека на тој начин се стекнува имунитет, бидејќи ако во градинка не се сретнат со инфекции, во училиште сигурно“, посочува. д-р Јонев.
Имено, секогаш кога детето ќе дојде во контакт со бактерии или вируси, неговиот имун систем почнува да произведува антитела кои следниот пат ќе го препознаат „натрапникот“ и ќе се справат со него. Меѓутоа, за да се случи тоа, бактериите мора да навлезат во организмот на бебето, што едноставно не е можно во претерано чиста и стерилизирана средина.
НЕКА ИГРААТ ВО КАЛ
Изгледа страшно, но децата го сакаат ова, а така стануваат поотпорни. Лекарите велат дека ги разбираат родителите кои се плашат да дозволат нивното дете да се извалка и да дојде во контакт со разни микроби, но дека тоа сепак е дел од растењето, па им препорачуваат на родителите да го пуштат своето дете да се извалка и со тоа да го зајакнат имуниот систем. Затоа ги советуваат да ги остават децата да се извалкаат во кал, и додека се надвор да им дозволат да допрат кал, дрвја, растенија, инсекти. Да им дозволат да направат колач од кал и вода, па дури и случајно да стават парче во уста, да не ги фаќа паника, бидејќи штом ќе го вкусат горчливиот вкус, нема да сакаат да го направат тоа повторно.
ДРУЖЕЊЕ СО ЖИВОТНИ
Оставете бебе или постаро дете да си игра со кучето и не треба постојано да се држат подалеку од животното. Ако редовно го носите вашето куче на ветеринар, нема потреба да се грижите, а нема страв дури и ако кучето го лиже детето. Истражувањата покажале дека на овој начин се намалува ризикот од астма и алергии кај децата, а децата исто така учат да ги сакаат животните на овој начин. Немојте веднаш да им ги миете рацете.
ИЗБЕГНУВАЈТЕ АНТИБИОТИЦИ
Избегнувајте антибиотици кога е можно, бидејќи тие ги убиваат лошите, но и добрите, потребни бактерии. Прекумерната употреба на антибиотици може да доведе до појава на астма, алергии, обезност, дијабетес и други болести. Ова исто така може да создаде отпорност на лошите бактерии на антибиотик и негативно да влијае на имуниот истем на детето.
