Го знаеш она момче од соседството кое никогаш не е болно? Дали неговите родители знаат нешто што вие не го знаете? Веројатно не, велат експертите, но овие пет навики на здравите деца можат да бидат корисни за избегнување на разни болести:
1. Секогаш чисти раце
Редовното миење на рацете драстично го намалува бројот на респираторни и болести на дигестивниот систем, па навиката за редовно миење раце со сапун е многу важна пред секој оброк, но и при напуштање и влегување во различни простори. Ако детето не сака да ги мие рацете, изберете една песна што му се допаѓа на детето и оставете го да ги мие рацете додека не ја испее целата песна, целиот процес треба да трае најмалку 15 до 20 секунди.
2. Активност секој ден
Истражувањата покажуваат дека редовното и умерено вежбање може да го намали бројот на настинки и грип за дури 25 до 50 проценти. Веројатно затоа што ја зголемува циркулацијата и клетките се борат против инфекциите. „Вежбањето е подобро од кој било рекламиран лек или чудо“, објаснува Харли А. Ротбарт, советник за родителство.
3. Сонот е важен
Погрижете се децата да одат рано во кревет. „Недостатокот на сон речиси го удвојува ризикот од настинка или грип“, објаснува д-р Ротбарт. На повеќето бебиња им требаат околу 14 часа сон дневно, а на децата од предучилишна возраст од 11 до 13 часа.
4. Избегнување допирање на лицето
Вирусите и грипот влегуваат во телото преку носот, ушите и устата, така што вашето дете треба да ги држи рацете подалеку од овие делови. Да, секако дека ова е многу тешко да се постигне, поради што миењето раце е многу важна стратегија. Научете го вашето дете никогаш да не дели сламка, чаша или четка за заби.
5. Балансирана и здрава исхрана
Оброците со многу овошје и зеленчук во сите бои ќе помогнат да се зајакне имунолошкиот систем. Побарајте намирници богати со витамин Ц (брокула, јагоди и портокали) и витамин Д (туна, млеко и житарици). Јогуртот со активни култури (пробиотици) исто така може да помогне во градењето на одбранбениот механизам.
