Ново истражување покажало дека имунитетот на КОВИД-19 може да биде изгубен во само неколку месеци. Резултатите упатуваат на тоа дека, како настинките и грипот, вирусот може да ги зарази луѓето секоја година.
Научниците од Кингс колеџот во Лондон го испитале имунитетот на повеќе од 90 пациенти и откриле дека најмногу антитела во организмот има три недели по појавата на симптоми. Нивниот број тогаш почнува да опаѓа.
Со истражувањето е докажано и дека нивото на антитела било поголеми и подолго траело кај пациенти кои имале потешка форма на болеста.
“Колку долго антителата остануваат, зависи од тоа кога го достигнале својот пик“, наведува д-р Кети Дорс, авторка на истражувањето. Тоа значи дека заштитата добиена со вакцина нема да биде долготрајна и дека ќе биде потребно да се вакцинира секоја година.
Професор Џонатан Хенеј, виролог од Универзитетот во Кембриџ вели дека оваа студија ги потврдила се поголемиот број на докази дека имунитетот на КОВИД-19 е краткотраен , што значајно влијае на идејата за колективен имунитет, односно ја негира неговата ефикасност при победување на новиот коронавирус.
