БРИТАНСКИТЕ НАУЧНИЦИ ПРЕД ПОЧЕТОКОТ НА УЧИЛИШНАТА ГОДИНА: Ова е влијанието што го има КОВИД-19 врз децата

Кај децата и младите луѓе многу поретки се тешки последици од инфекцијата со КОВИД-19 во споредба со возрасните, а смртен исход од оваа болест е исклучително редок, покажале резултатите од едно британско истражување, објавено пред четири дена, оред почетокот на училишната година во европските земји.

Истражување спроведено на пациенти со КОВИД-19 во 138 британски болници покажало дека меѓу нив имало помалку од еден процент деца, а од нив починале само еден процент или вкупно шест деца. Британските лекари истакнуваат дека сите деца од претходно страдале од потешки болести или пратечки здравствени пореметувања.

Нешто поголем ризик е евидентиран кај деца со прекумерна телесна тежина, новороденчиња и деца од црна раса.

“Со голема сигурност можеме да кажеме дека КОВИД-19 сам по себе не е опасен за училишните деца во позначајна мерка“, вели проф. Малком Семпл, детски епидемиолог на Универзитетот во Ливерпул и еден од авторите на студијата.

“Кај децата заразени со коронавирус, развојот на потешка форма на болеста е исклучително редок, а смртниот исход уште поредок и тоа би требало на некој начин да ги утеши родителите кои размислуваат за тоа дали децата се директно загрозени, сега кога почнува школската година“, вели проф. Семпл.

Глобалните податоци за ширењето на пандемијата со новиот коронавирус укажуваат на тоа дека децата и младите чинат само 1 до 2 проценти од случаевите на заболени од КОВИД-19 во светот. Поголемиот дел од пријавените инфекции кај децата се благи или асимптоматски, а забележани се многу мал број на смртни случаи.

Студијата покажала и дека најчести симптоми кај децата примени во болница биле температура, кашлица, мачнина или повраќање и отежнато дишење, а постарите деца почесто се жалеле на болки во стомакот, на главоболка и на воспалние на грлото.

Во состав на студијата, чии резултати се објавени во медицинското списание BMJ, тимот на проф. Семпл ги прегледал податоци за 651 новороденче и дете помладо од 19 години. Сите тие во британските болници со дијагноза КОВИД-19 биле хоспитализирани помеѓу 17. јануари и 3. јули.

Шестте починати деца од претходно страдале од тешки болести и придружни здравствени пореметувања и се работи за исклучително ниска стапка на смртност во споредба со смртниот исход кај 27 проценти кај сите останати возрасни групи, односно возрасни пациенти кои во болниците престојувале во истиот период.

“Тоа е исклучително ниска стапка на смртност во споредба со смртноста кај децата од оснататите инфекции како грип, сипаници, менингитис или стрептококна сепса, како и од некои други причинители за смрт кај децата, како на пример во сообраќајни несреќи“, вели д-р Лиз Вајтакер од лондонскиот Империал колеџ.

И додека вкупниот ризик од развојот на тешка форма на КОВИД-19 кај децата е исклучително мал, кај децата со прекумерна тежина и децата од црната раса, ризикот бил нешто поголем, а до слични податоци дошле и претходни истражувања спроведени кај возрасни лица.

Студијата покажала и дека најчести симптоми кај децата примени во болница биле температура, кашлица, мачнина или повраќање и отежнато дишење, а постарите деца почесто се жалеле на болки во стомакот, на главоболка и на воспалние на грлото.