Јужноафриканските научници открија нова варијанта на коронавирус со повеќе мутации, но допрва треба да се утврди дали е позаразна или отпорна на имунитетот стекнат со вакцинација или претходна инфекција.
Новата варијанта, позната како C.1.2, е откриена во мај, а досега се прошири во повеќето провинции во Јужна Африка и уште седум земји во Африка, Европа, Азија и Океанија, се вели во истражувањето кое чека рецензија.
Ричард Леселс, специјалист за заразни болести и еден од авторите на истражувањето, рече дека појавата на C.1.2. говори дека „пандемијата се уште не е готова и дека вирусот се уште бара начини за потенцијално да стане позаразен“
Содржи голем број мутации поврзани со други варијанти со зголемена трансмисија и намалена осетливост на неутрализирачки антитела, но тие се јавуваат во различни комбинации и научниците се уште не се сигурни како влијаат на однесувањето на вирусот.
Се изведуваат лабораториски тестови за да се утврди степенот до кој антителата можат да ја неутрализираат варијантата.
Јужна Африка беше првата земја која ја откри бета варијантата, една од четирите „загрижувачки“ варијанти, според Светската здравствена организација (СЗО).
Се верува дека бета се шири полесно отколку оригиналната верзија на коронавирусот која предизвикува Ковид-19 и има докази дека вакцините против неа се помалку ефикасни, па некои земји ги ограничија патувањата во и од Јужна Африка.
Ричард Леселс, специјалист за заразни болести и еден од авторите на истражувањето, рече дека појавата на C.1.2. говори дека „пандемијата се уште не е готова и дека вирусот се уште бара начини за потенцијално да стане позаразен“.
Леселс вели дека луѓето во оваа фаза не треба премногу да се вознемируваат и дека варијантите со повеќе мутации ќе продолжат и понатаму да се појавуваат во пандемијата, пренесува „Хина“.
