COVID-19: Лекарите детално објаснуваат како да ги разликувате благите наспрема тешките симптоми на коронавирус

♦♦♦♦♦♦♦

Од избувнувањето на пандемијата на коронавирус, списокот на симптоми станува се подолг. Некои од најчестите симптоми кои се јавуваат кај заболените се треска, кашлица и отежнато дишење.

Важно е да се напомене дека „повеќето луѓе заразени со коронавирус имаат благи симптоми и оздравуваат од болеста“, беше нотирано во заеднички извештај на Светската здравствена организација (СЗО) и Кина.

Треската обично се јавува затоа што организмот се обидува да го убие вирусот или бактеријата во телото, а кога имате температура повисока од нормалната, на овие патогени им е потешко да преживуваат

„Општо земено, луѓето со лесни симптоми се лекуваат дома“, вели Ричард Воткинс, доктор за инфективни болести и професор по интерна медицина на Медицинскиот универзитет во Охајо. Оние со тежок случај на COVID-19 обично завршуваат на одделот за интензивна нега, а на некои од нив им се потребни и респиратори. Од друга страна, некои заразени лица немаат никакви симптоми на коронавирус. Но, кај оние кај кои ќе се јават некои симптоми на болеста, потребно е да се разликуваат благите, лесни од тешките симптоми. Лесните симптоми обично се третираат дома.

Според една студија на Американскиот центар за контрола и превенција на болести (CDC), многу млади луѓе кои имале полесен случај на COVID-19, не се чувствувале добро со недели по закрепнувањето. Дури 35 проценти од анкетираните рекле дека не се вратиле во нормалната здравствена состојба и до три недели по негативниот тест. Меѓу пациентите на возраст од 18 до 34 години кои немале здравствени проблеми, секое петто лице чувствувало гадење со недели подоцна.

„Кашлицата е еден од главните симптоми на COVID-19“, наведува Воткинс. Коронавирусот обично ги напаѓа белите дробови, па може да го надразни респираторниот тракт и да предизвика она што е познато како „сува кашлица“. Тоа значи дека не доаѓа до појава на флегма или слуз. Кога полесен случај ќе стане потежок, кашлицата може да премине во пневмонија

ЛЕСНИ СИМПТОМИ НА COVID-19

1. Грозница или треска

„Грозницата е обично знак дека вашето тело се обидува да се избори со болеста“, вели Сузан Бесер, лекар од примарна здравствена заштита во „Mercy Medical“ центарот во Балтимор. Треската обично се јавува затоа што организмот се обидува да го убие вирусот или бактеријата во телото, а кога имате температура повисока од нормалната, на овие патогени им е потешко да преживуваат.

2. Кашлица

„Кашлицата е еден од главните симптоми на COVID-19“, наведува Воткинс. Коронавирусот обично ги напаѓа белите дробови, па може да го надразни респираторниот тракт и да предизвика она што е познато како „сува кашлица“. Тоа значи дека не доаѓа до појава на флегма или слуз. Кога полесен случај ќе стане потежок, кашлицата може да премине во пневмонија.

3. Губење на чувството за мирис или вкус

„Вирусите се честа причина за промени во сетилото за мирис или вкус кои можат да се појават при инфекција на горните дишни патишта“, вели Рејчел Кеј, доктор на медицина.

„Вирусната инфекција исто така може да резултира со воспаление и оток на носната лигавица, што доведува до назална конгестија, а тоа предизвикува промена во сетилото за мирис. Покрај тоа, постојат и некои докази дека вирусна инфекција може да доведе до невролошко оштетување на рецепторите за мирис“, додаде таа.

Овој симптом стана многу чест кај заболените од COVID-19, па дури и се користи во разликувањето на коронавирусот од другите болести, како што е грипот, особено затоа што голем број на други симптоми на грип и коронавирус се преклопуваат.

4. Замор

„Не е шокантно што луѓето се чувствуваат потполно исцрпено поради вирусна инфекција. Вашето тело работи напорно на борба против вирусот, а за тоа е потребна многу енергија“, вели Бесер.

5. Болки во мускулите и главоболка

„Ова се вообичаени симптоми на вирус. Кога ќе добиете вирусна инфекција, често имате треска и тој одговор на треската може да предизвика болки во телото. Ова го гледаме и кај грипот и другите инфекции“, објаснува Дејвид Катлер, семеен лекар.

6. Дијареја, гадење и повраќање

Студија објавена во „American Journal of Gastroenterology“ покажала дека „една подгрупа“ на пациенти со COVID-19 развива дигестивни симптоми.

„Во некои случаи, дигестивните симптоми, особено дијарејата, може да бидат почетна презентација на COVID-19, а дури подоцна може да се појават треска и други симптоми“, напишаа истражувачите. Ако имате дијареја подолго од два дена, дехидрирани сте и имате болки во стомакот, задолжително контактирајте го вашиот лекар.

СЕРИОЗНИ СИМПТОМИ НА COVID-19

1. Отежнато дишење

Некои луѓе со COVID-19 може да имаат проблеми со нормалното дишење или да останат без здив додека извршуваат секојдневни работи, а тоа не им се случувало порано. „Ова може да биде показател дека сте развиле пневмонија или дека вашето тело не добива доволно кислород“, вели Воткинс.

2. Болка во градите

Ова, исто така може да биде симптом на пневмонија, вели Воткинс. Но, може да биде знак и за тромб, позната компликација на вирусот, а може да укажува и на белодробна емболија, која се јавува кога ќе се ослободи тромб и ќе тргне кон белите дробови. И обете можат да бидат сериозни и опасни по живот.

3. Конфузија, неможност да се разбудите или да останете будни

COVID-19 може да предизвика енцефалопатија, болест што удира на мозокот. Тоа може да предизвика симптоми како што се збунетост, конфузија и губење на свеста.
(Prevention)