Расправиите помеѓу партнерите се неизбежни од време на време, а родителите знаат колку е фрустрирачки кога во средина на расправијата ќе се појави детето и разговорот нагло ќе се стиши. Но, тоа не мора да биде така, велат стручњаците. Тие тврдат дека кавгата пред детето е добра бидејќи од неа може нешто и да научи.
Резултати од студија спроведена на аериканскиот Универзитет Вашингтон, во која учествувале 109 парови со деца, покажала дека децата имаат подобар однос со родителите и сами со себе, ако сведочат на родителските расправии и караници.
Со други зборови, родителите пред децата не треба да го кријат бесот и лутината насочена на партнерот. Тоа не значи родителите да не внимаваат на зборовите кои си ги упатуваат еден на друг, туку дека конструктивната расправија може на детето да му биде подлога за учење за односите и реакцијата на другите. Расправата на родителите подразбира дека за некои прашања не се согласуваат, што е сосема нормално и вообичаено. При несогласувањето, важно и двата родитела да бидат свесни дека мислењето на другиот е еднакво важно.
“Расправајќи се на конструктивен начин, родителот покажуваат интерес да ја сослушаат другата страна, не навредува и не омаловажува, притоа и заеднички пронаоѓаат решение за проблемот. Корисно е децата да сведочат на таков вид на расправа, бидејќи учат како да ги решаваат несогласувањата и притоа да ја почитуваат различноста и дека на крај е можно по караницата да се продолжи добар однос, иако не се согласуваме во се“, велат психотерапевтите.
