По низа непроспиени ноќи, се прашувате што е нормално и колку всушност вашето бебе треба да спие? Мислењата на стручњаците може да ги пронајдете во книги и портали, а искуствата на други мајки на форуми и социјални мрежи, но една мајка блогерка кажала се.
Емили Кларк е блогерка и мајка на две девојчиња Исла и Клео, кои не сакаат да спијат. Таа направила генијална табела на детското спиење која ги прикажува работите онакви какви што навистина се. Целта и била да им олесни на родителите чии деца не спијат и да им покаже дека не се сами во тоа. Вака изгледа нејзината табела:
Колку моето бебе би требало да спие?
0-1 МЕСЕЦ
ДНЕВНО СПИЕЊЕ: Доволно да почувствувате малку самозадоволство
НАВЕЧЕР: 0-12 часа (се додека не го спуштите на кревет)
1-3 МЕСЕЦ
ДНЕВНО СПИЕЊЕ: 1-3 пати (но, само во автомобил во возење или во вашите раце)
НАВЕЧЕР: Не премногу поради постојаното хранење
3-6 МЕСЕЦИ
ДНЕВНО СПИЕЊЕ: Само на вас. Не сте веќе толку самозадоволни
НАВЕЧЕР: Онолку колку што ви треба да легнете во кревет и да затворите очи
6-12 МЕСЕЦИ
ДНЕВНО СПИЕЊЕ: Тешко
НАВЕЧЕР: Не премногу. Сите кои ви рекле дека ќе спијат по воведувањето цврста храна, се лажговци.
1-2 ГОДИНИ
ДНЕВНО СПИЕЊЕ: Што и да е. Зар тоа воопшто постои?
НАВЕЧЕР: На кого му е гајле?
Емили со двете свои ќерки проживеала многу непроспиени ноќи и неуспешни обиди на успивање.
“Кога е добра ноќ, тие се будат секој 3-4 часа, кога ноќта е лоша, на секој половина час, а кога е навистина лошо, тие воопшто не спијат“, вели една мајка, која на социјалните мрежи направила група на ненаспиени родители.
