Еве како детето да биде послушно додека вие пазарувате

Колку и во тие моменти да му се лутите на детето оти е нервозно или палаво, треба да знаете дека не е виновно, оти во тие моменти едноставно му е здодевно.

Секој пат кога морате да отидете во маркет или трговски центар, а немате каде да го оставите детето, преживувате стрес. Тоа е напорно и за вас и за детето. Колку и во тие моменти да се лутите на детето што е нервозно или палаво, па турка се од рафтовите, се крие меѓу полиците, ви бега од видокруг штом се свртите да земете нешто, треба да знаете дека не е виновно, оти во тие моменти едноставно му е здодевно. И затоа бара начин да се забавува.

Еве како тоа би можело да се случи на конструктивен начин, така да вие не црвенеете од срам пред останатите купувачи, и во мир да можете да купите се што ви е потребно.

Додека пазарувате, детето едноставно бара начин да не му биде здодевно.

Познатата блогерка и мајка Аманда Варбуртон открила како тоа таа го прави. Според неа, нејзиниот син е добра придружба во шопинг само тогаш кога е ангажиран. Таа затоа неретко го облекува во униформа, за да стекне впечаток дека прави нешто важно и му ја дава листата за купување, како и илустрација на производите од списокот, како би знаел што треба да купат.

“На интернет пронајдов фотографии на различни работи, ги испечатив, ги исеков и пластифицирав. Син ми сфати дека се што се наоѓа на списокот мора да го пронајде и да го стави во  корпата. Тоа му се допадна и почна да ужива во заедничкото купување, а до неодамна тоа го мрзеше. Трчаше по дуѓаните, викаше и беше неподнослив. Сега оваа задача ја сфати многу сериозно, а јас во мир можам да купам се што ми е потребно“, вели Аманда.