ФДА ја одобри првата орална таблета за лекување на тешка алопеција ареата

Барицитиниб, кој го произведува американската фармацевтска компанија „Ели Лили“, познат под комерцијалното име olumiant, припаѓа на класата на лекови наречени инхибитори на Јанус киназа. Делува така што го нарушува клеточниот пат кој води до воспаление

Неговото одобрување за употреба против алопеција ареата се заснова на резултатите од две рандомизирани, контролирани клинички испитувања кои вклучуваат вкупно 1.200 возрасни лица со тешка алопеција

Управата за храна и лекови (ФДА) го одобри лекот наречен барицитиниб како прва орална таблета за лекување на тешка алопеција ареата, автоимуно нарушување.

Алопеција ареата предизвикува привремено или трајно опаѓање на косата што може да влијае на секој влакнест регион, што доведува до емоционален стрес. Состојбата неодамна дојде до израз преку случаи од висок профил, вклучувајќи ја холивудската актерка Џејда Пинкет Смит и конгресменката Ајана Пресли.

Барицитиниб претходно беше одобрен за третман на ревматоиден артритис, а за време на пандемијата на Ковид-19, неговата употреба беше проширена и за третман на хоспитализирани пациенти со Ковид-19

„Пристапот до безбедни и ефективни опции на лекување е од клучно значење за значителен број луѓе погодени од тешка алопеција“, рече претставникот на ФДА, Кендал Маркус во соопштението.

Тој додаде дека ова одобрение ќе помогне да се задоволат значителните незадоволени потреби на пациентите со тешка алопеција ареата.

Барицитиниб, кој го произведува од американската фармацевтска компанија „Ели Лили“, познат под комерцијалното име olumiant, припаѓа на класата на лекови наречени инхибитори на Јанус киназа. Делува така што го нарушува клеточниот пат кој води до воспаление.

Алопеција ареата предизвикува привремено или трајно опаѓање на косата, проблем со кој се соочува и холивудската актерка Џејда Пинкет Смит

Неговото одобрување за употреба против алопеција ареата се заснова на резултатите од две рандомизирани, контролирани клинички испитувања кои вклучуваат вкупно 1.200 возрасни лица со тешка алопеција.

Секоја студија ги поделила учесниците во три групи: плацебо-група, група која примала два милиграма дневно и група која примала доза од четири милиграми дневно.

  • После 36 недели, речиси 40 отсто од оние кои земале повисоки дози повторно добиле 80 отсто од влакната на главата, во споредба со околу 23 отсто во групата со пониски дози и пет отсто во групата со плацебо

Околу 45 проценти од луѓето во групата со повисоки дози забележале значаен повторен раст на веѓите и трепките.

Најчестите несакани ефекти вклучувале инфекции на горниот респираторен тракт, главоболки, акни, висок холестерол и зголемување на ензимот наречен креатин фосфокиназа.

Претходните третмани за алопеција ареата вклучуваа локални или орални лекови, но тие се сметаат за експериментални и ниту еден не е одобрен.

Барицитиниб претходно беше одобрен за третман на ревматоиден артритис, а за време на пандемијата на Ковид-19, неговата употреба беше проширена и за третман на хоспитализирани пациенти со Ковид-19. (Science Alert)