„Владите ширум светот имаат шанса да тргнат по нов пат подготвувајќи се за враќање во нормалниот живот по изолацијата, која имаше за цел спречување на ширење на коронавирусот“, порача шведската климатска активистка Грета Тунберг денеска на интернет-конференција по повод Денот на планетата Земја, пренесува Хина.
Тунберг, кој се прослави себеси како 15-годишна, кога во петоците почна да го напушта училиштето за да протестира против загадувањето на животната средина пред шведскиот парламент, рече дека пандемијата покажала дека мора да размислуваме долгорочно.
-
„Ни се допаѓало или не, светот се промени, тој е сосема поинаков отколку пред неколку месеци и веројатно повеќе нема да биде ист, а ние ќе мора да избереме нов пат“, рече таа.
„Ако еден вирус може да ги уништи економиите за неколку недели, тоа покажува дека не размислуваме долгорочно и не ги земаме тие ризици предвид“, заклучи Грета.
Тунберг (17) беше меѓу учесниците на интернет-конференцијата по повод Денот на планетата Земја, кој започна да се одбележува пред 50 години за да се подигне свеста на јавноста за важноста на заштитата на животната средина.
Нејзиното движење, „Петок за иднината“, по тој повод објави видеоснимка, на која се гледа како едно семејство живее нормален живот додека околу неговата куќа пламти оган, како што и самата сликовито предупредува во своите говори.
