Малку се децата кои сакаат да одат на лекар, но некои се буквално преплашени. Тоа и не е изненадување, со оглед на тоа што повеќето мали деца не сакаат да ги допира непозната личност или да бидат во нова и застрашувачка средина, а да не зборуваме за фактот дека постои шанса да добијат инјекција.
Истражувањата покажуваат дека децата во медицински установи често се чувствуваат беспомошно, несигурно или исплашено од она што ќе им се случи. Но, постојат начини да му помогнете на детето да се чувствува побезбедно и помалку да се плаши од одењето на лекар. Еве неколку совети како да му помогнете на вашето мало дете да се чувствува посигурно и посмирено за време на следната посета на педијатарот.
- Придружувајте го вашето дете
Дајте сè од себе да бидете со вашето дете за време на посетата кај лекарот, особено ако тоа се плаши. Иако некои родители мораат да ангажираат дадилка, баба, дедо или друг негувател за да ги однесе децата на преглед, обидете се барем вие да бидете присутни на првите неколку посети, вели д-р Ари Браун, педијатар од Остин, Тексас.
„Ако детето види дека мајката или таткото се чувствуваат пријатно во новата средина и дека родителот му верува на лекарот, тогаш и детето ќе се чувствува посигурно“, објаснува д-р Браун.
- Вежбајте дома
Пред да тргнете на преглед, запознајте го вашето дете со алатките што ги користи педијатарот преку игра со детски докторски сет. Ставете играчка стетоскоп на вашите уши и преправајте се дека го слушате дишењето на некое кадифено животно или вежбајте со детето да ја отвори устата и да каже „ааа“. Исто така, дозволете му и на детето да се преправа дека е лекар.
Без разлика дали се работи за редовна контрола или посета поради болест, одењето кај педијатар може да биде стресно искуство. Сосема е вообичаено малите деца да се плашат од лекар. Сепак, постојат бројни стратегии – како што се објаснување на очекувањата и на она што ќе се случува однапред – кои можат да помогнат искуството да биде многу попријатно за двајцата
Користењето јазик што вашето дете може да го разбере ќе му помогне да се чувствува попријатно и да соработува. На пример, кажете: „Ги проверуваме бу-бу“, но користете ги и точните имиња на медицинските помагала и деловите од телото, за термините да не му звучат застрашувачки ако ги слушне од лекарот или медицинската сестра. Исто така, можете да го подготвите детето со читање сликовници на оваа тема.
- Претставете го одењето на лекар во позитивно светло
Избегнувајте премногу рано да го предупредите детето за претстојниот преглед, бидејќи тоа може да предизвика непотребна грижа или анксиозност. Наместо тоа, почекајте до утрото на самиот ден или дури и додека патувате со автомобил за да му кажете каде одите.
Бидете добро расположени: „Возбуден/а сум што ќе го видиме твојот лекар. Тој се грижи за тебе и ти помага да бидеш здрав/а и силен/на“. Ако детето сака да знае дали ќе добие инјекција, одговорете искрено, бидејќи лажењето е сигурен начин да ја изгубите неговата доверба. Објаснете му дека ќе почувствува мало боцкање, но нагласете дека тоа ќе трае само неколку секунди. Кажете му дека може да ве држи за рака цело време и дека вакцината ќе му даде „супер моќи“ против болести. По прегледот, разговарајте за убавите нешта, како на пример, лепењето налепници или одењето на игралиште потоа.
- Бидете блиску до вашето дете
Малото дете може да се почувствува ранливо или уплашено ако лежи на масата додека педијатарот е надвиснат над него. Затоа, бидете блиску. Дури и самото допирање на раката на детето или држењето за рака може да му помогне да се чувствува безбедно.
Дозволете му на детето да седне во вашиот скут. Лекарите и медицинските сестри генерално немаат проблем да ги проверат виталните знаци и да го извршат поголемиот дел од прегледот додека детето е гушнато со својот родител.
- Дајте му избор на вашето дете
Дозволете му на детето да има одредена контрола така што ќе му понудите избор. Прашајте го на кое столче сака да седне или на која рака сака да му се измери крвниот притисок. Можете дури и да го прашате лекарот дали е согласен прво да го демонстрира прегледот на кадифеното животно на детето.
За време на вакцинирањето, обидете се да му го одвлечете вниманието на детето со помош на сетилни стимулации: нешто слатко (како лижавче), омилена песна или пуштање балончиња од сапуница. Друга тактика е да се преправате дека вашите прсти се свеќички и да побарате од детето да ги „дува“ една по една. Оваа техника на дишење го опушта и го намалува срцевиот ритам.
- Носете го омиленото кадифено животно или играчка
Ќебенце за утеха или играчка може да помогнат во смирувањето на детето, но омиленото кадифено животно е одлично бидејќи лекарот може да направи „пробен преглед“ на него.
Кога детето ќе види дека ништо лошо не му се случува на неговото мече, веројатно ќе се смири. Ако имате постари деца кои не се плашат од лекар, размислете тие да влезат на преглед први. Гледањето на храброста на постариот брат или сестра ќе го намали стравот кај помалото дете.
- Понудете нешто на што ќе се радува
Начинот на кој реагирате по секоја посета може да помогне во создавањето подобро искуство за следниот пат. Кога ќе излезете од ординацијата, опсипете го детето со прегратки, бакнежи и пофалби како: „Заврши одлична работа; едвај чекам да ѝ кажам на баба колку беше храбар/а“.
Малото дете може да се почувствува ранливо или уплашено ако лежи на масата додека педијатарот е надвиснат над него. Затоа, бидете блиску. Дури и самото допирање на раката на детето или држењето за рака може да му помогне да се чувствува безбедно
Друг пристап е да го однесете детето во парк или на игралиште по посетата. Внимавајте само да не го условувате убавиот гест со „добро однесување“. Ако детето не може да ја контролира својата анксиозност, ќе се чувствува лошо бидејќи ве разочарало или останало без награда. Исто така, посочете ги сите пријатни работи што се случиле за време на посетата (можеби докторот му дал на вашето дете налепница или колаче) и повторете колку сите ќе бидат горди на него.
- Верувајте им на инстинктите на вашето дете кога станува збор за страв
При изборот на педијатар, личноста на лекарот е исто толку важна колку и неговото знаење и стручност. Некои деца ќе се плашат од кој било лекар, но ако вашето дете изгледа навистина преплашено конкретно од тој лекар, а не само од целото искуство, побарајте од него да ви објасни зошто.
Ако стравовите на вашето дете се оправдани или едноставно нема „хемија“ со тој конкретен лекар, слободно побарајте нов. Не заборавајте да побарате препораки од други родители во кои имате доверба.
Заклучок
Без разлика дали се работи за редовна контрола или посета поради болест, одењето кај педијатар може да биде стресно искуство. Сосема е вообичаено малите деца да се плашат од лекар. Сепак, постојат бројни стратегии – како што се објаснување на очекувањата и на она што ќе се случува однапред – кои можат да помогнат искуството да биде многу попријатно за двајцата. (Parents)
