Потребно:
- 3 тиквички со средна големина
- 4 јајца
- 200 г ситно сирење
- 200 г шунка
- 100 г кашкавал
- 5 лажици брашно
- 1 кесичка прашок за печиво
- 100 мл јогурт
- 3 лажици масло
- сол и бибер по вкус
- зачини по вкус
- 1 лист лиснато тесто
Подготовка: Измијте ги тиквичките и изрендајте ги, па лесно посолете ги и оставете ги околу 10 минути да пуштат вишок течност. Потоа добро исцедете ги. Изматете ги јајцата, додадете сирење, јогурт и масло, па измешајте ги тиквичките, сечканата шунка и зачините. Додадете брашно помешано со прашок за печиво и соединете сè во хомогена смеса. Премачкајте калап и обложете го со лиснато тесто, избодете го со вилушка и печете 10 минути на 200°C. Потоа извадете го од рерна, нанесете ја смесата врз тестото, посипете со рендан кашкавал и печете околу 35 минути на 180°C, додека добие златна боја. Добар апетит!
