Потребно:
- 3 презреани банани
- 2 јајца
- 120 г шеќер
- 100 мл масло
- 150 г брашно
- 1 кесичка прашок за печиво
- 1 лажичка цимет
- 100 г сечкани ореви
- 50 г суво грозје
- 1 кесичка ванилин шеќер
- прстофат сол
- 2 лажици крем намаз од лешник или карамела
Подготовка: Изгмечете ги бананите со вилушка додека не добиете кашеста смеса. Изматете ги јајцата со шеќерот и ванилиниот шеќер, па додадете масло и бананите. Во посебен сад измешајте брашно, прашок за печиво, цимет и сол, па постепено додајте ги во смесата. Додадете ги оревите и сувото грозје и нежно соединете сè. Истурете ја смесата во помал плех обложен со хартија за печење и израмнете ја површината. Печете околу 35 минути на 180°C. Оставете да се излади, па исечете на коцки и декорирајте со крем намаз и парчиња ореви. Добар апетит!
